Şakir Selim SEN MENİ ÖYLE SEV... Sen meni bağrıña öyle bas | 15 daqqa

Şakir Selim

SEN MENİ ÖYLE SEV...

Sen meni bağrıña öyle bas, güzelim.
Teniñden sıcaqlıq alayım.
Sen meni bağrıña öyle bas, güzelim,
Qoquñda mis olıp qalayım.

Sen meni saçıñnen öyle sar, güzelim,
Yaramaz ellerim bağlansın.
Sen meni saçıñnen öyle sar, güzelim,
Küncüler yüregi dağlansın.

Sen meni... sen meni...
Öyle öp, güzelim, Leblerim ateşday yansın.
Sen meni... sen meni...
Öyle öp, güzelim,
Nefishor vucudım qansın.

Sen meni öyle sev, güzelim,
Sevgiñden saf lezet alayım.
Sen meni öyle sev, güzelim,
Ölgence seniñnen qalayım!



#şiir