2022-05-28 11:00:35
Зянон Пазняк на канале «жизнь-малина» — апошні выпуск 4-га сезона:
Мы паразмаўлялі аб арышце Лукашэнкі, чаму Ціханоўская і Латушка – агенты КДБ, як перамагчы Расію і чаму Шушкевіч – гэта неадназначны персанаж для Беларусі.
Таксама Пазняк распавёў пра тое, што быў першым у спісу эскадрона смерці, як Курапаты кансалідавалі краіну, якім чынам Лукашэнка захапіў Вярхоўны савет і ці ёсць у Пазняка прэзідэнтскія амбіцыі.
«Расія павінна перастаць існаваць як імперыя»
Карфаген павінен быць разбураны. Калі чалавецтва хоча пазбавіцца ад вайны, ад тэрарызму, ад генацыду, ад гэтай дзікасці ўсёй - яны павінны пазбавіцца ад імперскай Расіі. Расія павінна перастаць існаваць як імперыя. Дэімперыялізацыя, дэзінтэграцыя, дэкадэбізацыя, таму што галоўная сіла ў іх - КДБ, і дэрусіфікацыя.
Пазняк – русафоб?
Русафобія - гэта псіхічная з'ява. У Лукашэнкі - фобія да беларускага, яго круціць ад беларускай мовы, гэта псіхічная неадпаведнасць у арганізме. У мяне такога няма, я не маю ніякіх псіхічных комплексаў. Я рацыянальна бачу, што, пакуль будзе Расійская імперыя, пакуль будзе мілітарызацыя, пакуль будзе гэтая палітыка - да гэтага часу будзе небяспека ўсяму чалавецтву.
З рускімі людзьмі сітуацыя такая - не Пуцін зрабіў рускі мір і гэтую вайну, а грамадства зрабіла Пуціна, яны 86% за вайну. Тут не толькі прапаганда, гэта тып людзей, якія ніколі не жылі ў свабодзе, якія не мелі свабодных думак, якія не мелі ўласнасць. Гэта сітуацыя, якая сведчыць аб тым, што гэтае грамадства можа пераіначыцца толькі тады, калі будзе разбіта матрыца, у якой яны існуюць.
Чаму ўсе вакол агенты КДБ
Упершыню ў сусветнай гісторыі поўную абсалютную уладу ў краіне, якая мае атамную зброю, захапілі спецслужбы, захапіла КДБ. Захапіла тая арганізацыя, якая рабіла генацыд. Яны валодаюць поўнай і абсалютнай уладай у Расійскай імперыі, іх прэзідэнт і ўсе структуры.
Што такое камітэт дзяржбяспекі? Гэта арганізацыя, якая мае свае аддзелы ў кожным раёне, вобласці, горадзе, установе, там ёсць свой спецыяліст. І яны фінансуюцца з бюджэта і займаюцца палітыкай. Гэта суперпартыя, якая фінансуецца з бюджэту, мае сваю сістэму агентуры і шпіёнаў, і кантралюе ўсё грамадства, усе фінансавыя патокі, усю эканоміку. Асноўныя сродкі знаходзяцца ў Расіі, гэта якіх-небудзь 1000 чалавек, якія ўсе звязаны з дзаржбяспекай, яны і нафта, і газ.
«Была б Беларусь, была б мова, была б воля – быў бы гатоў памерці»
Ці хапала нагод, каб ненавідзець Савецкі Саюз? Не, мяне цікавіла тое, што мову нішчаць, нацыю нішчаць, гісторыю аплёўваюць - вось што важна. Калі б была Беларусь, была б мова, была б свабода, была б воля - быў бы гатовы галадаць і памерці. Гэта не мае ніякага значэння. Вось гэта галоўнае. І мы не змагаліся за тое, што нам дрэнна было, і нам трэба была «Страна для жизни» - за гэта ніхто не змагаўся. Змагаліся за ідэю, за волю, за свабоду, за справядлівасць, за нацыю.
Гэта апошні выпуск у 5-м сезоне:Бярэм паўзу, каб набрацца сіл. Хутка вернемся.
9.8K viewsedited 08:00