Газета "Энсиэли". Намский улус

2022-06-25 03:06:23 Сайыҥҥы унаарбыт силиккэ
Саҥа күн талбаара күөрэйдэ,
Сарсыардааҥҥы тымныыкан сииккэ
Сирэм күөх ото сиигирдэ.

Сарпа күнүм уота сытыытык
Сараадыйа тыган таҕыста,
Саһарҕа сарыала нарыннык
Санаабын суоһа суох таарыйда!

Онтуон

Сайыҥҥы саҥа сарсыарданан! Открыть/Комментировать

2022-06-24 17:12:31 Күнүскү куйаас күн сылааран
Күөх мыраан кэтэҕэр налыйда,
Киэһэҥҥи нусхалым намыраан
Күүтүүлээх түүнүгэр халыйда.

Арҕааҥҥы саҕахха кытаран
Саһарҕам сарыала өлбөөрдө,
Алар тыам үрдүнэн куустаран
Сайыҥҥы нууралым мөлтөөтө !

Онтуон

Минньигэс түүллэри Открыть/Комментировать

2022-06-24 14:18:04 Нам улууһун Бөтүҥ нэһилиэгэ төрүттэммитэ 390 сылыгар аналлаах үбүлүөйдээх киэн ыҥырыылаах ыһыах бүгүн Бөтүҥҥэ ыһылынна. Ыҥырыылаах ыалдьыттарынан Амма, Бүлүү улуустарыттан Бөтүҥ нэһилиэктэрин делегациялара буоллулар.

"Бөрө саҕа соргулаах Бөрө Бөтүҥнэр" театрализованнай дьүһүйүү туруорулунна.

Бөтүҥ диэн бэрт былыр Бөрө Бөтүҥнэр диэн сэттэ ини-бии дьон Амма үрэххэ, билиҥҥи Соморсун, Бөтүҥ нэһилиэктэр олохторунан, олоотторо үһү. Кинилэр туой Аллан, Нуотара үрэхтэринэн тахсан бултаан-кыыллаан иитинэн олорбуттар.

Бөтүҥнэри Поярков этэрээтэ кэлэн кыргыбытын кэннэ, Саха сирин былаһын тухары ыһыллыбыттар. Саамай элбэх бөтүҥнэр Нам улууһугар бааллар. Сэттэ Бөтүҥнэргэ билиҥҥинэн Нам улууһугар биэс Бөтүҥ баара биллэр: Бөтүҥ, Көбөкөн, Түбэ, Арбын, Фрунзе нэһилиэктэрэ.

Маны таһынан биир Бөтүҥ Амма улууһугар баар. Намнартан тахсыбыт. Амма Бөтүҥэ уонна Алтан нэһилиэгин сороҕо. Амма Бөтүҥнэрэ Нам Бөтүҥүттэн арахсан Наахаралары кытта кыргыһан сир таһаарыммыттар.

@gazetaensieli Открыть/Комментировать

2022-06-24 12:05:39 Нам сэлиэнньэтин киинигэр, Максим Аммосов болуоссатыгар, оскуоланы үрүҥ, кыһыл көмүс мэтээллэринэн бүтэрбит үөрэнээччилэри чиэстээтилэр.

Быйыл улууска барыта 26 медалист баар. Улуустааҕы үөрэх управлениетын салайааччыта Екатерина Ядреева 10 мэтэллээх (7 кыһыл көмүс, 3 үрүҥ көмүс) Намнааҕы гимназияны, 3 кыһыл көмүс мэтээллээх Хамаҕатта саха-француз лицейин, Хатырык орто оскуолатын (1 үрүҥ көмүс, 1 кыһыл көмүс), сыл аайы медалистаах 2 Хомустаах, Салбаҥ, Партизан оскуолаларын бэлиэтээн туран, махтал тылларын анаата.

1 Хомустаах оскуолатын үрүҥ көмүс мэтээлинэн бүтэрбит, "Эҥсиэли" хаһыат эдэр корреспондена Аэлита Стручкова ХИФУ омук тылын филологиятын уонна регионоведениетын институтугар туттарсар былааннааҕын туһунан санаатын үллэһиннэ.

Майя Федорова

@gazetaensieli Открыть/Комментировать

2022-06-24 05:51:55 Яна Нюргусова: "Кыайыыбын эһэбэр аныыбын"

Үөһээ Бүлүүгэ бэс ыйын 20-21 күннэригэр ыытыллыбыт XV-с Олоҥхо ыһыаҕар олоҥхону толорууга ыччаттарга Нам улууһуттан Яна Нюргусова кылаан кыайыыны ситистэ.

- Бэдьээлэ «Дьырыбына Дьырылыатта» олоҥхотун толордум. Быйылгы ыһыахха, ыччат ортотугар, 30-тан тахса кыттааччы баар. Былырыын Өлүөхүмэҕэ ыытыллыбыт Олоҥхо ыһыаҕар бастакы миэстэни ылбытым, Гран-при аата Виталий Никифоровка анаммыта. Быйыл кыып-кыра эрэл кыыма баар этэ. Кыайыыбын эһэбэр Дмитрий Тимофеевичка аныыбын.

Сиһилии манна аах

@gazetaensieli Открыть/Комментировать

2022-06-24 02:10:06 Күннээҕи гороскоп

Бэс ыйын 24 күнэ.
⠀
Хой
⠀
Эйигин бэйэн туруккуттан таһаара сатыыр дьон баар буолуохтара, сэрэнэ сырыт

Оҕус

Дьоҥҥо эрэлин күнтэн күн мөлтөөн иһэр курдук

Игирэлэр
⠀
Бүгүн тус олоххор сыһыаннаах интириэһинэй этии киириэ
⠀
Рак
⠀
Тутатына барытыгар сөбүлэһэн иһимэ, толкуйдаан көр өссө төгүл
⠀
Хахай
⠀
Бүгүн саҥа билсиһии буолуон сөп
⠀
Кыыс
⠀
Ыраах сылдьан ахтар киһигин ыга кууһуоххун баҕараҕын
⠀
Ыйааһын
⠀
Төбөҕөр олус элбэх боппуруос баар эрээри биир да эппиэт суох

Скорпион

Бу мантан ыла барыта үчүгэй буолуо

Охчут

Эйиэхэ дьиҥ, истиҥ сыһыан наада... Барыта табыллыылаахтык

Чубуку

Төһөнөн дьоҥҥо үчүгэй буолаҕын да, кинилэр соччонон үрдүгэр ыттыахтара

Күрүлгэн
⠀
Бэйэн тускунан аһары элбэҕи барытын кэпсиир наадата суох. Сотору кэминэн өйдүөн

Балыктар

Олох аргыһа оҥостор киһигин хараҕын харатын курдук харыстаа. Открыть/Комментировать

2022-06-24 02:08:04 Сарсыарданы уруйдуур күммэр
Сай куйааһын уһугуннардым,
Саҥалыы кэрэни көрүүбэр
Сайыҥҥы мүөтүнэн тупсардым.

Сындалый сырам угутугар
Саҥа күнү көрсөөрү ууннум,
Сылаарбыт күүстээх күн уотугар
Саһарҕа утаҕар мин сууннум !

Онтуон

Сайыҥҥы саҥа сарсыарданан!

Бүгүн сарсыарда Намҥа +22 кыраадыс, күнүс 28-ҕа тиийэ итийиэҕэ Открыть/Комментировать

2022-06-23 16:56:42 Нуктуур түүҥҥү мин айылҕабар
Чуумпу нуурайа сатыылаата,
Нуурал-нусхал олохтоох тыабар
Чугдаар чыычааҕым намыраата.

Килбик күн оргууй кэмчиэрийэн
Киэһээҥҥи саҕахха умуста,
Кэмэ суох сулустарга тиийэн
Киэҥ куйаар дьиримин тутуста !

Онтуон

Алыптаах түүллэри! Открыть/Комментировать

2022-06-23 13:34:08 Филиал «ЦЗН Намского улуса» сообщает о подборе кандидатов на вахтовые работы в ООО «Эльгауголь», из числа безработных граждан и незанятого населения Намского улуса

Работа вахтовым методом 45/45 дней. Перечень основных востребованных профессий (специальностей): Водитель автомобиля различных категорий, водитель погрузчика, электромонтер, электрогазосварщик, машинист крана, машинист насосных установок, горнорабочий, стропальщик и др. Заработная плата от 116000 рублей.

Подробнее

https://энсиэли.рф/article/62039 Открыть/Комментировать

2022-06-23 09:50:32 Якутия принимает гостей VII Всероссийской конференции «Демографическое развитие Дальнего Востока и Арктики».

Поприветствовал участников и гостей форума. На конференции будут подведены промежуточные итоги реализации Концепции демографической политики Дальнего Востока на период до 2025 года и нацпроекта «Демография», выработаны предложения по поддержке семей с детьми и граждан старшего поколения.

Якутия славится своими многодетными семьями, матерями-героинями. За заслуги в воспитании детей, вклад в укрепление семьи и семейных традиций, сегодня мы наградили наших дорогих матерей, родивших и воспитавших 7 и более детей

По итогам Всероссийской переписи населения, у нас проживает 996 тысяч человек. Мы близки к миллионному жителю республики, я уверен, что мы достигнем этой отметки уже в этом году!

t.me/Aisen_Nikolaev Открыть/Комментировать