Газета "Энсиэли". Намский улус

2022-06-19 17:11:59 Киэһээҥҥи чуумпуну уйгуурдан
Сиккиэр тыал арҕааттан сипсиэрэр,
Киэҥ киэлиттэн, кэтит халлаантан
Симиин салгын сабыта биэрэр.

Түүҥҥү былыт барыкка саһан
Хараҥа им - балайга сүттэ,
Түлэй түлүк күлүгүн аһан
Хара сис тыам барыара түстэ!

Онтуон

Минньигэс түүллэри! Открыть/Комментировать

2022-06-19 17:04:22 Үрүҥ халааттаах аанньалларым - олоҕум аргыстара

Ааспыт күһүн балаҕан ыйыгар ковидтаан куоракка 1 №-дээх поликлиника аттыгар дьиэ куортамнаан олорон ыалдьыбытым. Нэдиэлэ устата телефонунан айдаарсан, нөҥүө нэдиэлэтигэр дьэ кэлэн анализтаан, томографиялаан балыыһаҕа киллэрэн эмтээннэр үтүөрэн тахсыбытым.

Сиһилии

https://энсиэли.рф/article/61372 Открыть/Комментировать

2022-06-19 15:24:56 Күөх луук хаһаанныгыт дуо?

Күөх луукка А, С, В битэмииннэр элбэхтэр. Инфекцияны кытта күүскэ охсуһар.

Саха сиригэр луук 9 көрүҥэ үүнэр. Килэбэчигэс луук киин уонна соҕуруулуу-арҕаа оройуоннарга үүнэр.

Граф Биэрэгэр оҥочолор тиксэр сирдэриттэн олохтоохтор 150 солк.саҕалаан утары арыыларга тиксэрэн биэрэллэр.

@gazetaensieli Открыть/Комментировать

2022-06-19 14:35:05 Нам улууһуттан Олоҥхо ыһыаҕар, Үөһээ Бүлүүгэ, 60-ча киһилээх делегация тиийдэ. Дьоммутун В.Д. Спиридонов аатынан 4 №-дээх оскуолаҕа олохтообуттар.
Үөдэй «Сарыал", Хамаҕатта "Түһүлгэ" сынньалаҥ кииннэрэ, Намнааҕы Олоҥхо дьиэтэ уо.д.а. талба талааннаах, уус тыллаах-өстөөх дьоммут ыһыах үгүс түһүлгэлэригэр кыттыахтара. Араас ис хоһоонноох быыстапкатыттан саҕалаан спорт көрүҥнэригэр тиийэ.
Онон бу күннэргэ Нам кылыһахтаах ырыаһыттарын, доллоһутар тойуксуттарын чуор куоластара Түгэхтэй алааска чоргуйуо турдаҕа. Дьоммутугар ситиһиилэри баҕарыахха!
@gazetaensieli Открыть/Комментировать

2022-06-19 12:13:45 Үтүөлээх быраас кэпсиир

Василий Егорович Никоновы улууска билбэт киһи диэн суох буолуохтаах, биллэн турар, оҕону-урууну, оторой-боторой ыччаты аахсыбатахха. Орто дойдуга олохсуйан, дьон-норуот туһугар үтүөнү оҥор, кинилэри кэрэҕэ-үчүгэйгэ уһуй диэн чахчы үөһэттэн ыйаахтанан төрөөбүт киһи буолар диэтэххэ омуннааһын буолбата буолуо.

Сиһилии

https://энсиэли.рф/article/61369 Открыть/Комментировать

2022-06-19 07:52:01 РФ президенэ В. Путин ыйааҕынан, бүгүн дойдуга аан бастакытын норуот уус-уран оҥоһуктарын күнэ бэлиэтэнэр.

Бэлиэ күн сыл ахсын бэс ыйын бүтэһик иннинээҕи баскыһыанньатыгар ыытыллар буолуоҕа.

СР культуратын уонна духуобунай сайдыыга министерствота "Симэх" норуот прикладной искусствотын национальнай киинин кытта «Сохраним наши промыслы» диэн флешмобка ыҥырар.

Сиһилии: https://ulus.media/article/61522 Открыть/Комментировать

2022-06-19 05:29:15 Бэс ыйын үһүс өрөбүлүгэр дойдуга Медицина үлэһитин күнэ бэлиэтэнэр. Быйыл бу бэлиэ күн бэс ыйын 19 күнүгэр сөп түбэстэ.

Олохторун эмчит идэтигэр анаабыт үрүҥ халааттаах аанньаллары республика таһымыгар чиэстээтилэр. Кинилэр истэригэр Нам улууһун киин балыыһатын бырааһа Николай Михайлович Шестаков СР Ил Дарханын Грамотатынан наҕараадаланна. Наҕарааданы СР правительствотын уонна администрациятын салайааччыта Георгий Михайлов туттарда.

Маны тэҥэ коронавируһу утары охсуһа сылдьан өлбүт эмчиттэри кэриэстээтилэр.Пирогов уордьанынан бэйэлэрин ытык иэстэрин толоро сылдьан коронавирустан өлбүт эмчиттэр ортолоругар Нам улууһуттан быраас Федор Протопопов наҕараадаланна. Наҕарааданы аймахтарыгар уонна дьиэ кэргэннэрин чилиэттэригэр туттардылар.

Хаартыска: СИА

@gazetaensieli Открыть/Комментировать

2022-06-19 03:18:52 Айсен Николаев поблагодарил медиков Якутии за самоотверженный труд

Глава Якутии Айсен Николаев @aisen_nikolaev поздравил медиков, ветеранов медицины с профессиональным праздником - с Днем медицинского работника.

@ulusmedia Открыть/Комментировать

2022-06-19 03:18:23 Сандал халлааным чаҕылыйбыт
Сай куйаас сырамын аҕалбыт,
Сарсыарда күндүл күн тахсыбыт
Сардаҥатын ыһан сандаарбыт.

Саҥа күнү көрсө чоргуйбут
Сайыны уруйдуур кэҕэбит,
Сылаалаах самыырын тулуйбут
Сыһыыттан дайда күөрэгэйбит !

Онтуон.
Үтүө сарсыарданан! Открыть/Комментировать

2022-06-18 16:42:33 Хатыҥым нусхайа налыйан
Күөх далай уутугар көрүннэ,
Хараҥа түүн кэлиитин ыйан
Күлүктүүр хаххатын бүрүннэ.

Сиик сыттаах сыһыыны үргэйэн
Сиккиэр тыал оргууй кууспаҕалыыр,
Киэһээҥҥи нууралы бүрүйэн
Киэҥ алаас нэлэйэ тулалыыр!

Онтуон

Минньигэс түүллэри! Открыть/Комментировать