2021-01-31 20:47:39
#SavolJavob
Assalomu aleykum mani bollarimmi otasi Amerika fuqorosiga 2018yil uylangan endi u ayol mani bollarimmi opekunstva qilib bollarimmi chaqirvotti shunga maslahatiz keregidi bollaga Amerikaga borib qancha vaqt grin karta oladi va nechchi yilli , grin karta olguncha u ayol bilan bitta uyda yashashi shartmi , man uzimmi bollarimmi Uzbekistonda Amerika posolstvasiga uzim oboraman dib viza kirsam buladimi? yana qanaqa yuli bor, bollarimmi otasi keyin qaytarib yubormasligi mumkinmi keyin man qanaqa qilib qaytarib osam buladi? bollarimmi shuni uylab uzim oborsam digandim , bollarim 16yosh 14yosh 8yosh uzini yolgiz yuborish mumkinmi ? Opekunstvaga rozi bulib bollarimmi yuborsam man onalik huquqidan mahrum bulamanmi ?Javobiz uchun oldidan rahmat!1.
AQSh fuqarosi bilan nikoh asosida 2 yillik #GreenCard beriladi. Undan keyin er-xotinnig nikohi haqiqiyligi tasdiqlansa, 10 yillik #GreenCard ga almashtiriladi.
2. Xorijlik erining farzandlarini chaqirib olish jarayoni -
oilaning birlashuvi, nikohga oid #GreenCard olish jarayoni bilan bir vaqtda borishi mumkin. Lekin bu ikkita alohida Case (yuridik ish) hisoblanadi, albatta.
3. Vasiylik (опекунство), AQSh fuqarosining Sponsor (homiy)lik - moliyaviy ahvoliga bevosita bog'liq. Busiz, ish bitmaydi. Batafsil - https://t.me/Americastan/1352
4. Otasining yangi xotini iltimosi bilan kelayotgan farzandlarga #GreenCard, 1-2 yilda keladi. Qonunan ularning barchasi bir oila, shunday ekan birga turishi maqbul. Chunki davlat tekshirib turadi, maktab, vrach va hokazolar "kim bilan turasan? manziling qayer?" deb tergaydi, albatta.
5. "Bolalarimni o'zim olib boraman", deyishingiz mumkin. Biroq, o'ylaymanki - 95% holatda, "otkaz" olasiz. Bu yaqin 15 yil ichida, bitta odamni eshitdim - o'zi O'zbekistondan, sobiq xotiniga bolalarini olib kelgan. "Siz farzandlaringizdan kechdingiz, nima qilasiz Amerikada? Qolasiz, qaytmaysiz- ku?! O'zbekiston Havo yo'llarida, boshqa aviakompaniyalarda "stuardessa hamrohligida bola yuborish", xizmati bor. O'sha bilan jo'nating", deyishi tayin.
6. Hamma narsa siz bilan sobiq eringiz bilan, oralaringizdagi munosabatlarga bog'liq. Nega sobiq? Boshqa ayolga uylangan bo'lsa, demak qonunan ajrashgansizlar. Bir-birovingizga tamoman begonasizlar.
7. Amerika fuqarosi, o'z erining oldingi nikohidan bo'lgan farzandlariga vasiylik rasmiylashtirsa, bolalar AQShga kelsa - bu yerdagi qonunlar ularga nisbattan amal qiladi. Oilaga oid qonunlarda asosiy tamoyil (bu erda) - bolaning manfaati. "Albatta onasi bilan yashashi shart", degan gap yo'q! Sudlar hukm chiqarishda, faqat va birinchi navbatda "Bola kim - otasi yoki onasi - bilan yashasa yaxshi? Unga maishiy, moliyaviy, ma'naviy, xavfsizlik jihatidan qayerda qulay?" - degan narsalarni inobatga oladi. Siz bu borada raqobat qilaolasizmi?
O'zbekiston qonunlari bilan siz onalik huquqidan mahrum bo'lmaysiz. Biroq, siz o'zga inson farzandlaringizga vasiy bo'lishiga rozi. Faraz qiling, oqibatlari yomon bo'lsa, Amerika sud tizimi bilan bahsga, kuchingiz yetadimi?
Fikrim - sizni 6 punkt ko'proq, o'ylantirishi lozim
391 viewsGir, 17:47