2022-02-07 22:30:14
Сингаттаме ма хила хьо, са ма гатде ахь.
Бакъдолуш, цамгар д1аера ю хьуна. Бала а д1абоьрзура бу хьуна. Къиношна а Дала гечдийра ду хьуна. Декхар а т1ера дера ду хьуна. Лаьцнарг д1ахоьцура ву хьуна. Вайнарг ц1авоьрзура ву хьуна. 1есаллехь волчо а тоба дийра ду хьуна. Къеллехь волчунна хьал то дийра ду хьуна.
Са ма гатде ахь, 1аьржа марханаш д1ас муха яьржа ца гина хьуна?
Боданера буьйса д1а муха йолу ца гина хьуна?
Марса баьлла хьоькху мох д1а муха тоь ца гина хьуна?
Шийла дарц д1а муха айло ца гина хьуна?
Сингаттамаш а иштта д1абевра бу хьуна. Хьан дахар а толур ду хьуна. Хьан т1аьхьло а ирсе хира ю хьуна.
Са ма гатде ахь, мелха 1овжар сийналле 1индаг1о д1адоккха хьуна. Делкъанна хьогалла сирлачу шовдано д1айоккха хьуна. Мацаллан 1овжар довхачу баьпкано д1айоккха хьуна. Сема яьккхинчу буьйсаналла т1аьхьа мерза наб йог1а хьуна. Цамгар, лазамаш, цулт1аьхьа йог1учу могшаллин марзоно д1аайбо хьуна.
Ткъа ахь дадезарг - жимма собар ду хьуна, къеззиг сатохар ду хьуна.
Сингаттаме ма хила хьо, лоьрашна хьере хилла х1ума ду хьуна, хьекъалчашна г1ора сиз хилла х1ума ду хьуна, 1еламнаха севцана х1ума ду хьуна, илланчаша хеттаре бийлина х1ума ду хьуна, мелла хӀилланаш лело гӀертарх пайда ца хилла хӀума ду хьуна - Дела кхел лелар, Цуьнан лаам кхочуш хила безар, хьуна яздинарг ца хилча ца долуш хилар .
194 views19:30
A
