2021-07-04 22:20:03
Kelayotgan haftada havo harorati 45 daraja va undan yuqori ko'tarilishi mumkin. Prezident Adminstratsiyasi shoshilinch qaror chiqardi
"Uzgidromed" ma'lumotlariga ko'ra iyul oyining birinchi yarmida yurtimizda issiq havo oqimining kirib kelishi oqibatida hududlarda havo harorati o'ta keskin, ya'ni 45 daraja va undan yuqori ko'tarilishi mumkin. Shu munosabat bilan Prezident Administratsiyasi shoshilinch qaror chiqardi.
Unda bajarilishi kerak bo'lgan quyidagi chora-tadbirlar belgilandi:
Hududlar bir kun muddatda selektor yig'ilishi o'tkazib, hokimliklar va mutasaddi tashkilotlarda doimiy navbatchilikni yo'lga qo'yishi, zarur kuch-vositalar va maxsus texnikalar shayligini ta'minlash, aholi salomatligini asrashga qaratilgan chora-tadbirlarni belgilashlari lozim.
OAV aholini o'z salomatligini asrash uchun sergak bo'lishga chaqirishi, aholi gavjum joylarda tibbiyot punktlarini tashkil etish, koyka-o'rinlar va dori vositalari zaxiralarini tashkillashtirish, umumiy ovqatlanish joylarida nazoratni kuchaytirish belgilandi.
Aholi dam olish va cho'milish maskanlarida xavfsizlik masalalarini kuchaytirish, kommunal xizmatlarni barqaror ishlashini ta'minlash, qishloq xo'jaligi ekinlari va yaratilgan hosilni saqlab qolish, favqulodda vaziyatlar kelib chiqishini oldini olish maqsadida chora tadbirlarni amalga oshirish ko'zda tutilgan.
Har 4 soatda FVVning Milliy markaziga axborot berish yo'lga qo'yilishi va FVV holat haqida Vazirlar Mahkamasi va O'zbekiston Respublikasi Prezidenti Adminstratsiyasiga xabar berishi belgilandi deya xabar bermoqda @muxbiruz_rasmiy
https://t.me/joinchat/RJqB6zBcTgdlIzLt
563 viewsHayot Samarqandiy, 19:20