ЧИН ЛИТИИ ЧИТАЕМОЙ МИРЯНАМИ В ПАСХАЛЬНЫЙ ПЕРИОД (на кладбище | Свято-Покровский женский монастырь, г.Дустобад, Узбекистан
ЧИН ЛИТИИ ЧИТАЕМОЙ МИРЯНАМИ В ПАСХАЛЬНЫЙ ПЕРИОД
(на кладбище или дома)
Молитвами святых отец наших, Господи Иисусе Христе, Боже наш, помилуй нас, аминь.
Христос воскресе из мертвых, / смертию смерть поправ / и сущим во гробех живот даровав. Трижды.
Со духи праведных скончавшихся, / душу раба Твоего [или рабы Твоея], Спасе, упокой, / сохраняя ю во блаженной жизни, / яже у Тебе, Человеколюбче.
В покоищи Твоем, Господи, / идеже вси святии Твои упокоеваются, / упокой и душу раба Твоего [или рабы Твоея], яко един еси Человеколюбец.
Слава: Ты еси Бог сошедый во ад, и узы окованных разрешивый, / Сам и душу раба Твоего [или рабы Твоея] упокой.
И ныне: Едина чистая и непорочная Дево, Бога без семене рождшая, / моли спастися души его [или ея].
Со святыми упокой, / Христе, душу раба Твоего [или рабы Твоея], / идеже несть болезнь, ни печаль, / ни воздыхание, / но жизнь безконечная.
Аще и во гроб снизшел еси, Безсмертне, / но адову разрушил еси силу, / и воскресл еси, яко победитель, Христе Боже, / женам мироносицам вещавый: радуйтеся, / и Твоим апостолом мир даруяй, / падшим подаяй воскресение.
Аще и во гроб снизшел еси, Безсмертне, / но адову разрушил еси силу, / и воскресл еси, яко победитель, Христе Боже, / женам мироносицам вещавый: радуйтеся, / и Твоим апостолом мир даруяй, / падшим подаяй воскресение.
Молитва о усопших:
Упокой, Господи, душу раба Твоего [или рабы Твоея] (имярек), и прости ему [или ей] вся согрешения вольная и невольная, и даруй ему [или ей] Царствие Небесное.
Светися, светися, / новый Иерусалиме: / слава бо Господня / на тебе возсия. / Ликуй ныне / и веселися, Сионе. / Ты же, Чистая, красуйся, Богородице, / о востании Рождества Твоего.
Слава, и ныне: Господи, помилуй, трижды.
Молитвами святых отец наших, Господи Иисусе Христе, Боже наш, помилуй нас, аминь.
Христос воскресе из мертвых, / смертию смерть поправ / и сущим во гробех живот даровав. Трижды.
И нам дарова живот вечный, / покланяемся Его / тридневному Воскресению.
И обращаемся к лежащим в могиле со словами: Христос воскресе!
