2022-08-30 20:00:09
"Три А" - президент маслаҳатчисининг ишдан кетказилишиАбдужаббор Абдувоҳидов Абдусаттторович 4 йил олдин, 2018 йил 27 августда президент маслаҳатчиси этиб тайинланганди. Ёшлар, фан, таълим, соғлиқни сақлаш, маданият ва спорт масалаларига қарарди. Ўтган ҳафта у ишдан олинди.
Менга келган инсайдерларга кўра, Ортиқхўжаевнинг қудаси Абдувоҳидовнинг ишдан олинишига бир қанча омиллар сабаб бўлган. Улардан бири А.А.А.нинг Акфа Университетини очишда кўмаклашиши бўлган дейилади. Маълумотларда 2019 – йилда Жанубий Кореялик ҳамкорлар билан Ж.Ортиқхўжаев муассислигидаги университетнинг тиббиёт йўналишини ривожлантириш борасида битим имзолашда бош-қош бўлгани келтирилган. Сабаблардан яна бири Президент 2021 йил 18 май санасида ўтказилган йиғилишда Соғлиқни сақлаш тизимига бугунги кун талабига жавоб берадиган ёш, фаол ва малакалали ходимларни ишга олиш ҳақида собиқ вазир Абдуҳаким Хажибаевга топшириқ берган. Топшириқ ижроси назорати Абдужаббор Абдувоҳидовга юклатилган. Бироқ, А.Абдувоҳидов Ички ишлар органларида ишлаб, нафақага чиққан кишини ҳеч қандай танловсиз соғлиқни сақлаш тизимига масъул вазифалардан бирига қабул қилган. Навбатдаги сабаб эса каналимизда эълон қилинган ушбу постимиз бўлган.
Унда Молия вазирлиги ҳузуридаги Суғурта бозорини ривожлантириш агентлигининг буйруғи билан
«ARIA SUG‘URTA TASHKILOTI» МЧЖга лицензия берилгани, ягона таъсисчиси - Рустам Абдувоҳидов президент маслаҳатчисининг ўғли, Ортиқхўжаевга куёв экани урғуланганди. Лекин энг асосий сабаблардан бири бошқа бўлган деб айтишимиз мумкин. Эсласангиз, Kun.uz'да ишлаган вақтимизда (2018 йил ёз ойлари) "МХХнинг Сурхондарёдаги ўйинлари. Собиқ ректор адолат истайди" - Ҳидирназар Аллақулов ҳақида мақола чоп этгандик.
Унда Термиз давлат университети собиқ ректори Аллақуловнинг ноҳақ ишдан олингани, бир қанча судларда ғалаба қозонган бўлсада, ҳамон адолат тикланиб, у лавозимига қайтмаётгани айтилганди. Эшитишимча, уни ишга тикламаслик бўйича президент маслаҳатчисининг ҳам қўли бўлган. Вақтида кўрилиши керак бўлган чора кейинчалик қандай оқибатлар, аламзадаликка сабаб бўлганини ўзингиз гувоҳи бўлдингиз. Адолат вақтида тиклангани яхши эди деб ўйлайман.
Яна
ўйлайманки, ҳали ҳам кечмас, амалдаги раҳбарият бунга албатта чора кўради. Ҳозирча вазиятни кузатамиз. Бизни кузатишяпти, эшитишяпти. Йўлимизда давом этамиз.Каналга уланиш учун линк
@OZBEKISTON_YURTIM- энг сўнгги янгиликлар ва қизиқарли видеолар
43 viewsedited 17:00