2022-08-23 12:52:41
МУНОСАБАТ
Ҳурматли юртдошлар ва «Океан сув спорти» саройига ташриф буюрувчилар!
Гувоҳи бўлмоқдамизки, айни кунларда ижтимоий тармоқларда «Вилоят ҳокими ташрифи муносабати билан оддий халқ бассейнга қўйилмаяпти» мазмунидаги нохолис хабарлар тарқалмоқда. Бу эса ижтимоий тармоқлар фойдаланувчилари орасида ноўрин ва асоссиз фикр-мулоҳазаларга сабаб бўлмоқда.
Кўпчилик яхши билади, вилоят ҳокими Шавкатжон Абдураззаков бир неча йиллардан буён сув спорти билан мунтазам шуғулланиб келади ва у киши ҳеч қачон ўзи ва халқ, оддий одамлар ўртасида тўсиқ бўлишини истамаган ва бунга йўл қўймаган. Ҳозир ҳам шундай.
Юқоридаги каби ноўрин хабарларни тарқатаётганларнинг мақсади бутунлай бошқа. Хабарларга ёзилаётган изоҳлар ва муносабатлардан кимларнингдир тарафкашликни уюштириш, шов-шув кўтариш асосий муддаоси экани яққол сезилиб турибди.
Сиз азизлардан провокацияга берилмасликни сўраб қоламиз. «Океан сув спорти» саройи барча учун очиқ. Ҳамма учун бирдек шароитлар яратилган. Агар сизларда сув спорти саройидаги шароитлар ва хизмат кўрсатиш билан боғлиқ камчиликларга доир фикрлар туғилса, бу борада холисона муносабат билдириб, мурожаат қилишингизни илтимос қилиб қоламиз.
1.5K viewsРасул .Океан., 09:52