Бэдьимэҕэ
Семен Потапов уонна кинини өйүүр бөлөх Бэдьимэ бөһүөлэгин кулуубугар нэһилиэнньэни кытары көрүстэ. Бастаан кандидаты Бэдьимэ баһылыга Петр Андросов билиһиннэрдэ, ол кэннэ олохтоохтор Семен Потапов быыбардааҕы программатын кытары билистилэр.
Ону таһынан бэдьимэлэр суол, оттуур сир онтон да атын боппуруостары ыйыталастылар. Сөптөөх хоруйдары ыллыллар. Сүрүн туруорсар боппуруостарынан Бэдьимэҕэ оскуола тутуута буоларын эттилэр. Онуоха Семен Семенович итиэннэ «Арктика-строй» хааччахтаммыт эппиэтинэстээх уопсастыба толорооччу директора Иван Никифоров олохтоохторго оскуола тутуутугар билиҥҥи кэмҥэ туох үлэ бара турарын билиһиннэрдилэр уонна Бэдьимэҕэ оскуола тутуллуо диэн эрэннэрдилэр!
Көрсүһүү түмүгэр мустубут дьон Семен Семеновичка кыайыыны баҕаран, саала иһин ытыс тыаһынан ньиргиттилэр!
