Fizmat Dorm

Жас өркеннің бойында ғылымға ұмтылдыру, ғарыш туралы білімдерін молайту мақсатында 9 "в,н,d" оқушыларымен сынып сағатын өткіздік. Сүлеймен Сұлтан мен Аманбек Жұбаныш презентация жасап, ғарыш әлемі, ғарыш ғылымы жайлы деректер айтып, сыныптастарымен ой,пікір бөлісті, балалар белсене араласып, қызықты мәліметтер алды.

“Сөз - сәлемнен басталады” деген асыл халқымыз екіжақты қарым-қатынас беріктігінің бастауы, сыйластықтың сақталуын ізгі сәлеммен байланыстырған. Оқушылардың жүрегіне қазақы тәрбиенің қайнар көзінен тарихи дерек пен ұлттық құндылықты құя білген тәрбиешілер “Сәлем - сөздің анасы” атты тәрбие сағаты апталығын өткізді.
Мектеп - оқушыларға білім мен тәрбиені қатар үйрететін киелі мекен. Сол себепті тәрбиешілер интернат тәрбиеленушілерінің жүрегіне жол тауып, ізгілікке шақыруда түрлі шаралар ұйымдастырып, тақырыпты барынша аша түсті.

Ұлы даланың - Ұлы күні "Әз-Наурыз" мерекесінде 7"А","В","F" сынып оқушылары қазақ халқының ұлы мерекесі Наурыз мейрамы туралы түсінік беріп, халқымыздың салт-дәстүрін бойларына дарыту мақсатында "Наурыз думан" атты мерекелік тәрбие сағатын өткізді.
Тәрбиешісі: Айтуарова М.Б.

Бар тіршіліктің тұтқасын ұстап тұрған аналар, мейірімді әжелер, әдемі арулар!
Сіздерді көктемнің шуақты мерекесімен құттықтаймыз!
Әрқашанда шаңырақтарыңыздың берекесі болып, жүздеріңізден нұр шашып жүре беріңіздер. Сіздерге зор денсаулық пен баянды бақыт тілейміз!
Оқушылардың тәрбиешілеріне арнаған тілектерін қабыл алыңыздар!!!

23.02.2023жылы интернаттың 7-8-сынып тәрбиеленушілерінің ұйымдастыруымен “Зиянды заттар” тақырыбына іс-шара өтті. Іс-шараның басты мақсаты - оқушыларды адам денсаулығына зиян туғызатын заттардан, атап айтсақ, *есірткіден, темекіден, фаст фуд тағамдарынан, мобильді телефон ойындарынан, стресс және депрессиядан* аулақ болуға шақыру. Шара барысында зиянды заттар туралы видеороликтер көрсетіліп, оқушылар арасында пікірсайыс болып, өз ойларымен бөлісті.

23-ақпан 9С,Е,F сыныптарының арасында "Жер сілкінісі кезіндегі қауіпсіздік ережелері" атты тәрбие сағаты өткізілді. Тәрбие сағатында оқушылар жер сілкінісі туралы ақпарат алып, қауіпсіздік ережелерімен танысты. Сабақтың басты мақсаты табиғи апат кезіндегі алғашқы қадамдар мен төтенше жағдай кезіндегі қолдорбадағы заттарды дұрыс қолдануды үйрену. Оқушылар өз ойларын ортаға салып, талқылады.

16 ақпан күні "Мамандық таңдау" атты іс-шара мектеп қабырғасында өткізілді. 9,10,11 сынып оқушылары мамандық таңдау және болашақта сұранысқа ие болатын мамандықтар туралы өз ойларымен бөлісті. Бұл іс-шараның басты мақсаты өскелең ұрпаққа мамандық таңдау мәселесі бойынша түрлі кеңес беріп, бағыт бағдар беру.