Дьэ кэлэн кэмсинэн, ааспыт кэмнэри эргитэн, ыар санааны сиэтэҥ | Бойуот санаалара

Дьэ кэлэн кэмсинэн, ааспыт кэмнэри эргитэн, ыар санааны сиэтэҥҥин, өйгүн-санааҕын эрэйдээмэ...

Өйдөөн көрүүй, тулаҕын көр-иһит, өйдөөн көрүүй, бу барыта билигин...

Эн тыыннааххын, эн бааргын, эн тыынаҕын...

Дьэ кэлэн кэмсинэн, ааспыт кэмнэри эргитэн, өйгүн-санааҕын эрэйдээмэ, биир кэм кыаллыбаты эрэ кэпсээмэ...

Билигин тур, уһугун, туругур... уонна бүгүн, саатар биирдэ, кып-кыра үчүгэйи оҥорон кимиэхэ эрэ мичээрдэ бэлэхтээ. оччоҕо кыратык да буоллар, саатар кып- кыратык, эн бүгүҥҥү олоххо сырдыгы бэлэхтиэн, оччоҕуна дьэ өйдүөҕүн, биири өйдөөн көрүөҕүн, кыраттан улахан тахсарын, тымтыктан кутаа уота күөдьүйэрин... саатар биирдэ, күҥҥэ биирдэ, саатар кыратык, кып-кыратык, сырдыгы тарҕат, тулаҕын сырдат. Оччоҕуна тупсуоҕа олоҕун, оччоҕуна умна түһүөн уруккугун, оччоҕуна чэпчээн барыаҕа олоҕун, салҕанан барыаҕа сырдык номоҕун. .. Ыраас аартыгын арыллыа, сырдык суол сыдьаайыа, кутун-сүрүн сылаанньыйыа... саатар биирдэ, саатар бирдэ эрэ, саатар биирдэ, холонон көр, саатар биирдэ эрэ...