2022-12-20 22:00:18
ГIиллакхах лаьцна дуьйций ахь суна?
– ХIун хаа лаьа хьуна?
– Суна и гIиллакх хIун ду а, гIиллакхаш муха ду а, уьш лелийча хуьлуш болчу мелах а лаьцна хаа лаьара.
– ГIиллакх – иза адамашка ахьа хьайн ларам гучубаккхар ду. Иза тайп-тайпанчу некъашца хила йиш йолуш ду – олучу дашца, леларца, хьажарца, иштта дерриге дегIаца а. Ахь цхьана адамца Делан дуьхьа гIиллакх хIоттийча, и бахьана долуш Дала хьан сий ойбу нахана йукъахь, нехан дегнашкахь хьоьга безам а кхуллуш.
– Ткъа и гIиллакх лелийна аьлла мела хир буй вайна?
– Дера хир бу, Къемат-дийнахь терзан тIехь мелана уггар а деза узудерг гIиллакх ду аьлла Делан Элчано, Делера салам-маршалла хуьлда цунна!
– Муьлханиш ду и гIиллакхаш?
– Уьш, доза доцуш, дукха ду – воккхачуьнца ларам хилар, жимачуьнца къинхетаме хилар, комаьрша, дог цIена, массо а бусалба нахаца маьрша а волуш, кхин а дуккха а ду уьш.
– Хьажахь, ма хаза хIума ду и гIиллакх!
3.5K views19:00