Чаму анансаваная амністыя не стане новай «адлігай». Тэзісна:
Асуджаныя па «пратэстных» артыкулах
не падпадаюць пад пералік амніставаных, нават калі гэта цяжарныя жанчыны, падлеткі, пенсіянеры ці людзі з інваліднасцю.
Нават тым, хто быў асуджаны па іншых артыкулах, але па палітычных матывах,
не гарантаванае вызваленне: не падлягаюць амністыі тыя, хто злосна парушаюць правілы адбывання пакарання. Ведаючы
асаблівае стаўленне да палітвязняў, стаць злосным парушальнікам зусім няцяжка.
З улікам пералічанага можна канстатаваць, што ўлады надзейна перастрахаваліся ад таго, каб па амністыі быў вызвалены нехта лішні. Калі плануецца амніставаць 8000 вязняў, з ніх
«палітычных» будуць адзінкі. Але вось хто зойме «вакантныя» месцы — пытанне рытарычнае.