2021-07-09 11:49:17
Ерейментау тұрғындары жаппай Қазақстан Халық партиясына қабылданып жатыр.
Жуырда Ерейментау қаласында ҚХП аудандық филиалының кеңсесі ашылып, партия қатарына қабылданған азаматтарға салтанатты түрде
партия билеті табысталды.
Аймақтарды аралау барысында Қазақстан Халық партиясының «Қызыл Автобусы» Ерейментау қаласына аялдады. ҚХП атынан Мәжіліске сайланған депутат Жамбыл Ахметбеков партияның жаңа мүшелеріне партбилеттерді
өз қолымен тапсырып, олардың алдағы жұмысына сәттілік тіледі.
Қызыл Автобус Ақмола облысына кездейсоқ барған жоқ. Мұнда жергілікті билік жылдар бойы шешпеген мәселе жинақталып қалған. Сапасыз жол, су тапшылығы, жөндеуді талап ететін инженерлік желі сияқты проблемалардың түйіні күні бүгінге дейін тарқамаған.
Ерейментауда инфрақұрылымға қатысты шешілмеген мәселе көп.
Жергілікті мәдениет үйі жекеменшікке өтіп кеткен. Дене шынықтыру-сауықтыру кешенінің құрылысы бірнеше жылдан бері аяқталмай тұр. Қала тұрғындары әкімді көрмейді.
201 viewsedited 08:49