Tatnews Tatar

2022-05-04 15:08:36 9 майда, Җиңү Көнендә, Казанда өстәмә 10 автобус маршруты эшләячәк. Бу хакта Татарстан башкаласы мэриясе матбугат хезмәте хәбәр итә.

Бу көнне автобуслар зиратларга кадәр түбәндәге маршрутлар буенча йөриячәк:

84 нче маршрут: Киндерле зираты аша Халитов урамыннан Чебакса бистәсенә кадәр;

№201: Җиңү проспектыннан Самосырово зиратына кадәр;

№202: Чехов базарыннан Самосырово зиратына кадәр;

Дәрвишләр бистәсеннән алып Дәрвишләр бистәсендәге зиратка кадәр 204 номерлы маршрут;

Тимер юлчылар мәдәният йортыннан Юдино бистәсендәге зиратка кадәр 205нче маршрут;

№ 206: Ленин исемендәге Мәдәният йортыннан Коры елга бистәсендәге зиратка кадәр;

207нче маршрут: Самосырово зиратыннан «Курган» җирләү комплексына кадәр;

Гаврилов урамыннан Коры елга бистәсендәге зиратка кадәр 208 номерлы маршрут;

№209: Вахитов мәйданыннан Яңа Татар зиратына кадәр;

Самосырово зиратыннан мөселман зиратына кадәр 210 номерлы маршрут.

@tatnewstatar Открыть/Комментировать

2022-05-04 12:10:00 Татарстанның Яшел Үзән шәһәрендә яшәүче хатын-кызның туганының кабере урынына башка кешене җирләгәннәр.

Хатын-кыз 3 нче майда, Радоница көнендә, зиратка килеп, туганының кабере урынында чит кешене җирләгәннәрен күреп ала. Ул зират администрациясенә интернетта мөрәҗәгать итә, аларның җавап бирүен көтә.

«Әбиемнең кабере урынында чит кеше күмелгән, элекке кабернең бер өлеше каберләр арасында үтү өчен сукмак булып калган. Анда күмгән кешеләрне гаепләмим, аларга урын бүлеп биргәннәр. Зират администрациясе, сезнең мәрхүм туганнарыгыз бармы? Сезнең хисләрегез бармы, сездә, гомумән, мораль һәм кешегә хас изге төшенчәләр бармы?» — дип язган хатын-кыз.

Мөрәҗәгать ахырында ул ситуациягә мөмкин кадәр күбрәк игътибар бирергә һәм гаеплеләрне җаваплылыкка тартырга чакырды.

@tatnewstatar Открыть/Комментировать

2022-05-03 12:43:05 Казанда бер хатын-кыз үзенә кул салган: бәйрәм итүдән соң, 8 каттагы балконнан сикереп һәлак була.

Фаҗига 2 майда Фучик урамында кичке сәгать 11 тирәсендә була. Шаһитлар әйтүенчә, хатын-кыз бер ара балкон парапетында тора. Танышлары аны кофтасыннан тотып, туктатмакчы була, әмма хатын-кыз кибет козырегына егыла.

Беренчел мәгълүмат буенча, спиртлы эчемлекләр кулланып күңел ачканнан соң, яшьләр арасында бәхәс туа. Ахыры фаҗига белән тәмамлана. Открыть/Комментировать

2022-05-02 21:26:47 Узган атна хәл-вакыйгалары тормышка нинди үзгәрешләр кертте? Нинди яңалыклар китерде? Әнә шул турыда фикерләшербез. Хәбәрдар булыгыз!

Безнең чыгарылышта:

— Рубин ФНЛга тәгәри
— Универсиада 2023 Екатеринбургта үткәрелмәячәк
— Казанда 7 нче майда OBI гипермаркеты ачыла
— Казанда сулык-сазлык паркы булачак
— Елга навигациясе сезоны ачылды
— Тукай премиясе ияләре билгеле



Открыть/Комментировать

2022-05-02 17:00:20 Быел иң көтеп алынган мәҗлесләрнең берсе — 10 нчы Республика ифтары Казан-Экспода очраклы гына үткәрелмәде. Халыкара күргәзмә үзәге барлык кунакларны да сыйдырды, юбилей уңаеннан, табынны 10мең кешегә әзерләделәр.
⠀
Өстәл әзерләүдә генә дә йөзләгән волонтер эшләде, ифтарны оештыруда барлыгы биш йөздән артык кеше катнашты. Бу өстәлгә сатып алынган ризыклар да мулдан иде — 2 тонна сыер ите, 1 тонна дөге, 1,5 тонна яшелчә, 1 тонна җиләк-җимеш, 1 тонна кипкән җиләк-җимеш, 600 кг чәк-чәк, 600 кг печенье. Кызыклы яңалыкларны тагын да күбрәк беләсегез киләме? Безнең яңа чыгарылышта карагыз!
⠀


Открыть/Комментировать

2022-05-02 13:04:17 Сегодня руководство Татарстана прочитало праздничный намаз в новой мечети Казани – имени Ахметзаки Сафиуллина.

Так она выглядит снаружи Открыть/Комментировать

2022-05-02 07:53:07 Кадерле дуслар! Сезне Ураза бәйрәме белән ихлас күңелдән котлыйбыз. Изге бәйрәм көнендә hәркайсыгызга шатлык, мәрхәмәт hәм иминлек иңсен!

@tatnewstatar Открыть/Комментировать

2022-05-01 18:27:12 1 май җитү белән, күпләр шашлык кыздыру турында уйлана башлый. Ә без озак уйлап тормыйча, яхшы дустыбыз, җырчы Илгиз Шәйхрәзиев белән очрашып, шашлык әзерләргә булдык. Менә дигән очрашу булды! Ә шашлыгыыыы... Хәер, кызган иттә мени хикмәт! Күрешеп, рәхәтләнеп көлешә-көлешә сөйләшүе ни тора бит! Сезне дә чакырабыз



Открыть/Комментировать