Газета "Таатта"

Күөх маай бырааһынньыга Даайа Аммаҕа эйэлээх олоҕу түстүүр үрүҥ холуубу көтүтэр челленджтэн саҕаланна .

Нэһилиэк дьоно-сэргэтэ ыраастык туттан олоруу үтүө холобурунан күргүөмнээх субуотунньукка тахсаллар.

@gazetataatta @UlusMedia

«Агротуризм» граҥҥа регионнартан докумуону хомуйуу ыам ыйын 15 - 31 күннэригэр ыытыллар. Бу РФ минсельхоһун бырагыраамата. Докумуоннары регионнааҕы минсельхозка туталлар.

Бырайыактары көрөн баран, 2024 сылга тыа сиригэр туризмы сайыннарыыга сөптөөх былааннаах киһиэхэ 10 мөл солк диэри сууманы биэриэхтэрэ.

Ханнык регионтан граҥҥа тиксибит дьон аата сайын биллиэҕэ.

Үбү ыалдьыт-туристары көрсүүгэ
инфраструктура тэрийиитигэр, территория благоустройствотыгар, оборудование, инвентарь ылыытыгар уонна да атын сөптөөх хайысхаҕа туттуохха сөп.

Докумуоннары уонна ирдэбиллэри бу сайтка киирэн көрүөххэ сөп.

Саха сирэ АГРОТУРИЗМ хайысхатын киллэриигэ анаан айыллыбыт курдук. Онон бу күннэргэ бааргытын сааһылыы тутан, кэскиллээх дьыалаҕа "старт" оҥороргутугар сүбэлиибин.

#агротуризм #сельскийтуризм

Муус устар 29 күнүгэр Уус Амма нэһилиэгэр "Айтал" норуот айымньытын дьиэтигэр Аан дойдутааҕы үҥкүү күнүгэр аналлаах дьоро киэһэ ыытылынна.

Бу күн оҕолор, улахан дьон үҥкүү бөлөхтөрө ураты тыыннаах дьоро киэһээни бэлэхтээтилэр. Үҥкүү бөлөхтөрүн салайааччыта Айыына Петровна Богдокумова ситиһиилээхтик үлэлии сылдьар.

Культура эйгэтигэр күүс-көмө буолар, көстүүмнэри тигэр уран тарбахтаах иистэнньэҥнэр буолаллар. Уус Амма нэһилиэгэр оннук киһинэн эдэр кэскиллээх иистэнньэҥ Күннэй Саввична Большакова буолар. Олохтоохтор бу күн Күннэй тикпит таҥастарын астына, сэргии көрдүлэр.

Сиһилии : https://таатта.рф/article/96242

@gazetataatta @ulusmedia

Уһуйаан ыалдьыттара – бэтэринээрдэр

Игидэй нэһилиэгин ветеринарнай учаастак сэбиэдиссэйэ Маркова Лена Николаевна оҕо тэрилтэлэрин кытта ыкса сибээстээхтик үлэлиир. Ол курдук, "Теремок" уһуйаан, Э.К.Пекарскай аатынан Игидэй орто оскуолата дьиэ кыылын сөптөөхтүк иитиигэ аналлаах тэрээһиҥҥэ үлэһиттэрин илдьэ кэлэн өрүү кыттар, олус интэриэһинэй видеороликтары, презентациялары көрдөрөн оҕо интэриэһин тардар.
Быйыл "Теремок" уһуйаан иитиллээччилэригэр дьиэ кыылын иитиигэ СӨ сүрүн быраабылатын үөрэтии чэрчитинэн, СӨ Ветеринарияҕа Департаменын Тааттатааҕы салаатын үрдүкү судаарыстыбаннай инспектора Постников Алексей Алексеевич кыттыыны ылла.

Варвара Ефимова.

Сиһилии: https://таатта.рф/article/95252

#тааттахаһыат
@ulusmedia

Муус устар 17 күнүгэр Арассыыйаҕа Уһуйааччы уонна Сүбэһит  сылыгар аналлаах, Былатыан Ойуунускай 130 сылыгар аналлаах Ойуунускай ааҕыылара уратылаах буолла.

“IIS-UUS, AS FEST” этнографическай бэстибээл кыттыгастаах ыытылынна. Былатыан Ойуунускай аатынан Таатта народнай театрыгар улуус оскуолаларын дириэктэрдэрэ, иитэр үлэҕэ солбуйааччылара, саха тылын, литературатын, төрүт култууратын учууталлара кыттыыны ыллылар.

“П.А.Ойуунускай ааҕыыларыттан кынат саҕан” диэн сэминээри улуус үөрэҕириитин салалтатын сүрүннүүр тутаах үлэһитэ Мира Луковцева иилээтэ-саҕалаата.

Улуустааҕы норуот айымньытын дириэктэрэ Гаврил Вырдылин Таатта улууһун уус-уран оңоһуктарын оңорууга, сайыннарыыга уопсастыбаннай түмсүүлэр үлэлэрин сиһилии ырытта. Саха тылын учууталлара санааларын сайа үллэһиннилэр.

Сандаара.

@gazetataatta @ulusmedia