Энг улуғ неъмат нималигини биласизми? Аллоҳ таоло сизга қанча | Психостимул

Энг улуғ неъмат нималигини биласизми?

Аллоҳ таоло сизга қанча неъмат берганини ҳис қилмоқчимисиз?

Кўзингизни юмиб, ўн қадам юриб кўринг!

Юриб кўрдингизми? Нимани ҳис қилдингиз? Битта неъматининг аҳамияти қанчалик экан? Тушундингиз-а?!

Қўлингизни ишлатмай, дастурхонда турган пиёлада чой ичиб кўринг!

Нақадар қийинлигини ўйлаб кўрдингизми?!

Бир оёғингизни ишлатмай, фақат биттасида юриб шу ҳолда ҳожатхонага кириб кўринг!

Нимани тасаввур этдингиз?! Ўтириб-туриш қийинлигини кўз олдингизга келтирдингиз-а?!

Устингизда турган либосингиз ён қўшниларингиз киядиган либосларга нисбатан эскироқ, модаси ҳам орқадами?

Энди нарироқдаги фалон қўшнингиз киядиган либос ҳақида ўйлаб кўринг! Унинг кийими олдида сизнинг либосингиз қанчалик янги эканини ўйлаб кўрдингизми?!

Машинангиз йўқлигидан нолияпсизми?!

Фалон қўшнингизнинг икки оёқлари кесилгани эсингиздадир?!

Ҳалиям машинангиз йўқлигидан афсусдамисиз?!

Аллоҳ таоло дуёда яшаётган миллиардлаб бандалари орасидан сизни танлаб, сизга ИЙМОН неъматини ато этган! Бу сиздаги энг улуғ неъматдир! Бунга шукр қилинг! Ҳаётимизни ИЙМОН тақозо қиладиган ибодатлар, солиҳ амаллар билан ўтказиб, гуноҳ-маъсиятлардан узоқ бўлайлик!

Аллоҳ таоло барчамизни Ўзининг ҳидоятидан айирмасин ва хотимамизни гўзал қилсин!

@Sultonova_Mashhura