Тополмадим кўнгилдек кўнгил,
Бўйламоққа бўй топдим баъзан.
Ўзим англаб етмоқ-чун ботин,
Сухбат қилдим рухимла қалбан.
Баъзан сиғмай кенг дунёларга,
Неларнидир талашар инсон,
Рухим деди, нафсингга бош бўл,
Нафисинг ошса, емрилар иймон.
Инсон инсон қалб, иймон билан,
Амалларинг қай йўлга бошлар,
Сен юрар йўл, сенинг синовинг,
Қоқилтирар баъзида тошлар.
Тугатмагин илинж, умидни
Майли кўкка етмаса бўйинг,
Уйинг жаннат бўлмаса хамки,
Жаннат каби соф бўлсин ўйинг.
Покиза қалб, тоза ният қил,
Сени пинхон дуо қилсинлар,
Бу дунёда илгамас кўзлар,
Жаннатларда сени кўрсинлар.
Асли бир кам тўлмаган дунё,
Рухим мени халоватга тўл,
Қиёматда Ҳақ назарида,
Ўзи суйган қулларидан бўл.
Муаллиф: Машҳура Султонова Рустамбоевна
@Sultonova_Mashhura
