Перахрысьці канверт,
перахрысьці скрыню.
Ён даляціць, павер,
не прападзе, ня згіне.
Нават калі слата
зноў агарнула душы.
Нават калі свалата
цісьне, трушчыць і душыць.
Ён даляціць, павер,
паўз замкІ і праз крАты.
Паўз бетонны бар’ер.
Паўз драты й казематы.
Ў Полацак і Магілёў,
ў Жодзіна, Гомлю, Ветку,
ў Воршу, Гародню, Шклоў –
з волі чаканая вестка.
У скляпеньні тугі,
у адсекі надзеі…
Празь сівыя сьнягі.
Праз парсекі завеі…
Вейна, Бабруйск, Ваўкавыск,
Берасьце ды Навасады.
Горкі, Мазыр, Дзяржынск,
Віцьба й Пішчалаўскі замак…
Сэрцам перахрысьці
і пакладзі ў скрыню.
Покуль ляцяць лісты,
не прападзем,
ня згінем.
Анатоль Івашчанка 2022г.
Павал Севярынец – апазіцыйны палітык і пісьменнік, адзін з заснавальнікаў маладзёвага руху, «Малады Фронт».
Улады абвінавацілі яго ва «удзеле , і арганізацыі ў масавых беспарадках». І
асудзілі на 7 гадоў пазбаўлення волі , ў умовах узмоцненага рэжыму.
Ліставанне палітвязню: ПК №17, вул. 1-я Заводская, 8, 213004, г. Шклоў
Салідарнасць вызваляе
Патрымайце