Совместная молитва об укреплении в православной вере святым | МИР ПРАВОСЛАВИЯ
Совместная молитва об укреплении в православной вере святым новомученикам и исповедникам Российским.
Святи́и новому́ченицы и испове́дницы Це́ркви Росси́йския, услы́шите усе́рдную мольбу́ на́шу! Ве́мы, я́ко не́ции от ва́с, еще́ о́троцы су́ще, послу́шающе о дре́влих страстоте́рпцех, в се́рдце свое́м помы́слиша, коли́ко прелюбе́зно и доброхвально е́сть таковы́м подража́ти, и́хже не му́ки, ни сме́рть не разлучи́ша от любве́ Бо́жия. Бла́го же ва́м, я́ко после́довали есте́ ве́ре и терпе́нию те́х, и поели́ку на вся́кое вре́мя возмо́жно е́сть наити́ на ны́ испыта́нием нечаянным, испроси́те от Го́спода на́м му́жества да́р, и́же толи́ко благопотре́бен е́сть в житии́ челове́честем. Вся́ концы́ Оте́чества на́шего страда́ньми свои́ми освяти́вшии, я́ко о́бщии за вся́ ны́ моли́твенницы, умоли́те Бо́га изба́вити Оте́чество на́ше от и́га, ужаснейшаго па́че вся́каго ина́го. И да отпу́стится на́м (имена) и всему́ ро́ду на́шему гре́х, на наро́де росси́йском тяготеющий: убие́ние царя́, пома́занника Бо́жия, святи́телей же и па́стырей с па́ствою, и страда́ния испове́дников, и оскверне́ние святы́нь на́ших. Да упраздня́тся раско́лы в Це́ркви на́шей, да бу́дут вси́ еди́но и да изведе́т Госпо́дь на жа́тву де́латели Своя́, си́есть да не оскудева́ет Це́рковь па́стырьми до́брыми, и́же и́мут просвеща́ти све́том и́стинныя ве́ры сто́ль вели́кое мно́жество люде́й, ве́ре ненауче́нных или́ от ве́ры отвратившихся. Недосто́йни есмы́ ми́лости Бо́жия, оба́че страда́ний ра́ди ва́ших Христо́с Бо́г на́ш да уще́дрит и поми́лует все́х на́с, в по́мощи ва́с призыва́ющих. Мы́ же Ему́, Спаси́телю на́шему со Отце́м и со Святы́м Ду́хом сокруше́ние о гресе́х и благодаре́ние за вся́ всегда́ да прино́сим, сла́вяще Его́ во ве́ки веко́в. Ами́нь.
Завтра, в четверг (24 июня) в 21:00 по Москве начнется совместная молитва Николаю Чудотворцу о заступничестве перед Господом.
