2022-08-26 09:45:36
Дзьмітры Шчыгельскі характарызуе працэсы, якія адбываюцца ў лягеры апанэнтаў Лукашэнкі з асьцярожным аптымізмам. Пры гэтым пагаджаецца (і кажа пра гэта) з нізкаю негатыўных фактаў, пры якіх рух да ўзмацненьня немагчымы. Тым цікавей размова зь ім.
Прызнацца, гэта другая спроба падняць такую тэму. Першы запіс выявіўся няякасным па гуку й мы вырашылі паўтарыць гутарку. Крыху менш эмацыйна (бо частка маіх спробаў падчапіць Зьміцера была яму ўжо вядомая), але, мяркую, закранулі адразу некалькі важных аспэктаў.
Таймкоды:
00:00 Пачатак альбо як не атрымалася першая спроба размовы
02:40 Аб“яднаўчыя працэсы хутчэй вынік ціску грамадзтва (ці яе часткі), чым ініцыятыва саміх палітыкаў. Пра канфлікты сярод палітычных групаў і крызіс: распадацца ці спрабаваць перайсьці на іншы ўзровень. Але галоўнае – зьмена палітыкі, а не зьмена структуры – пакуль ня зроблена.
07:12 Анансаваная ацэнка эфэктыўнасьці. Але няма крытэраў. Пра пустэчу часткі абмеркаваньняў на канфэрэнцыі й грашах на барацьбу й пошук саюзьнікаў.
11:10 Аналіз стану, фармаваньне плянаў, візій й палітычная дзейнасьць: месца для палітыкаў і аналітыкаў. Хто мае фармаваць пасылы зь якімі палітычныя групы выходзяць да грамадзтва.
16:03 Ці ёсьць замова й запыт на аналіз стану, фармат супрацоўніцтва. Пра публічныя й непублічныя «непрыемныя» зрэзы й грамадзкі ціск. Пра волю й мужнасьць палітыкаў, якіх часьцяком бракуе. Але й пазытыўныя працэсы – зноў гаворым пра грамадзкі ціск.
20:13 Фармаваньне бачаньня (візій), стратэгій й плянаў. А таксама пра лёзунгі. Гульня лёзунгамі без плянаў ці лёзунгі як вынік плянаваньня – два прынцыпова розных падыходаў. У Беларусі зараз няма нават лёзунгаў.
25:20 Вяртаемся да ацэнкі эфэктыўнасьці. Што могуць зрабіць «адказныя па накірунах» за паўгады й што ацэньваць як посьпех? Ці магчымая агульная візія кабінэту? А ці магчымае тое самае па накірунках?
29:37 Агульная філязофія дзейнасьці – тэма, якую Шчыгельскі называе «твая засада». Грантавы цыкль, лёгіка бізнэсу й палітычны працэс. Як Лукашэнка выкінуў апазыцыю на грантавы цыкль й чаму тое было найбольшым ягоным палітычным посьпехам. Чаму гранты могуць быць на шкоду – пра розьніцу «засваеньня грошай й справаздачы» з доўгатэрміновымі палітыкамі. Механічны пераход на бізнэс-крытэры ня менш хібны. Як апанэнтам улады перайсьці на іншыя варыянты плянаваньня? Калі ты застаешся выключна ў грантавай сыстэме – ты ніколі не пераможаш. Калі ты саскокваеш зь яе без зьмены палітыкі – застаешся без рэсурсаў.
37:40 Пра спробы навучыцца казаць «не» тым хто цябе падтрымлівае – ключавы навык, які патрэбны палітыку. Прыклад Украіны й карысных ідыётаў якімі карыстаўся Пуцін. Пра страхі перад «не» сярод беларускіх палітыкаў і чаканьняў зьнешніх партнэраў. Ключавы інтарэс у міжнародных адносінах – прагназаванасьць, а не лаяльнасьць да палітычных сыстэмаў.
44:00 Фармуляваньне нацыянальных інтарэсаў краіны (без прывязкі да прозьвішчаў ва ўладзе). Ці можа гэта быць шляхам выхаду з палітычнага тупіка? Прыклады на тэме нейтральнасьць/бясьпека. Чаму Беларусі патрэбныя моцныя спецслужбы й сілавы блок агулам? Толькі войска ці войска+зброя на руках насельніцтва?
49:00 Фармуляваньне інтарэсаў і іх артыкуляцыя можа стаць механізмам пашырэньня кола прыхільнікаў. Чаму палітыка «проста супраць» - палітыка перманентнага паражэньня.
54:20 Спроба Шчыгельскага выцягнуць на размовы «нацыянальныя інтарэсы Беларусі» ды выцягнуць на больш актыўную пазыцыю. «Засада» для Тышкевіча :-).
3.4K viewsihar tyshkevich, 06:45
І
