2022-08-22 02:29:59
Ытыктабыллаах Чурапчы улууһун олохтоохторо!
Улуус салалтатын уонна тус бэйэм ааппыттан эһигини Россия Судаарыстыбаннай былааҕын күнүнэн истиҥник эҕэрдэлиибин!
Россия үс өҥнөөх былааҕа туохтан да тутулуга суох көҥүлү, олорон кэлбит баай устуоруйабытыгар ытыктабылы, үүнэр көлүөнэни Ийэ дойдуга таптал уонна бэриниилээх буолуу тыыныгар иитиини кэрэһилиир. Россия былааҕа уонна аҕа көлүөнэ дьоммут албан ааттаах үлэлэрэ, дойду көмүскэлин туһугар дьоруойдуу быһыылара арахсыспат ыкса ситимнээхтэр.
Тапталлаах Сахабыт сирэ Россия судаарыстыбатын састаабыгар түөрт үйэ кэриҥэ чэчирии сайдан кэллэ. Саха сирэ улахан судаарыстыба экэниэмикэни сайыннарыыга Уһук Илиҥҥэ эрэ буолбакка, бүтүн Россия үрдүнэн бастыҥнар кэккэлэригэр киирэр. Биһиги хотугу тыйыс кыраайбыт бары нэһилиэктэригэр тиийэ Россия былааҕа араас омук үлэһит дьонун уруйдуу тэлээрэр.
Сахабыт сирин олохтоохторо, ол иһигэр Чурапчы дьоно, араас омук дьонунуун Аҕа дойду көмүскэлигэр хорсуннук кыттыбыттарын бары өйдүүбүт, кэриэстиибит. Күн бүгүн да кинилэр нацизмы утары киирсиигэ, Россия атын дойдулартан тутулуга суох көҥүл судаарыстыба буоларын туһугар дойдубут былааҕын аннынан Украинаҕа буола турар анал байыаннай дьайыыга кытталлар. Биһиги кинилэринэн киэн туттабыт!
Улууспут бары олохтоохторун үтүөҕэ дьулуурдара күүстээх. Эһиги саҥа былааннаргыт, кэскиллээх соруктаргыт олоххо киирэригэр үгүс сыраҕытын уураҕыт. Ол түмүгэр Сахабыт сирин уонна Чурапчыбыт улууһун экэниэмикэтэ бигэтик сайдар. Саҥа олорор дьиэлэр уонна суоллар, оскуолалар уонна оҕо уһуйааннара, балыыһалар уонна поликлиникалар, култуура дьиэлэрэ уонна успуорт эбийиэктэрэ тутуллаллар. Судаарыстыба кыра дохуоттаах дьоҥҥо уонна нэһилиэнньэ көмүскэлэ суох араҥатыгар социальнай көмөнү оҥорор.
Аҕа дойдубут өрүүтүн күүстээх, сайдыылаах держава буоларын туһугар биир сомоҕо түмсүүлээхтик үлэлээбиппит уонна үлэлиэхпит диэн эрэнэбин. Россия Судаарыстыбаннай былааҕын күнүнэн эһиэхэ дьолу-соргуну, чэгиэн туругу, этэҥҥэ буолууну баҕарабын!
848 views23:29