Ўзбекистонда абитуриентларнинг 36 фоизи минимал ўтиш балини тўплай олмади2021 йилда деярли 893 минг абитуриент ОТМларга имтиҳон топширди, улардан 319 минг нафари (36% га яқини) минимал ўтиш бали - 56,7 балл тўплай олмади. Бу хақда ДТМ хабар берди.
Маълумотга кўра, энг паст кўрсаткичлар Қашқадарё, Самарқанд ва Тошкент вилоятларида қайд этилган.
Бу рақамларни блогер Хушнудбек Худойбердиев "дахшат" дея изоҳлади.
"56,7 балл — бу тўплаш мумкин бўлган энг юқори 189 балнинг 30%и дегани. Яъни абитуриент ҳеч бўлмаса 30% билимга эга бўлса, ушбу кўрсаткични тўплай олади. 30% билим эса рейтинг тизимидан қиёс олсак, ҳатто 2 баҳо ҳам эмас! 1 баҳо десак тўғри бўлар балки", — деб ёзади блогер.
@satira_uzb
