2022-02-14 22:53:50
У нядзелю, 13 лютага, беларусы Літвы ў Вільні выйшлі падтрымаць філосафа Уладзіміра Мацкевіча, які абвесціў галадоўку у турме, пратэстуючы супраць незаконных і нялюдскіх дзеянняў рэжыму.
Уладзімір Мацкевіч — чалавек, які заўсёды кажа, што думае, і абараняе тое, што лічыць вартым і патрэбным. Словам і дзеяннем. Гэта мужны чалавек, які не пакінуў краіну насуперак пагрозе пераследу, ведаючы, што па оруэлаўскім сцэнары па яго ў любы момант могуць прыйсці.
Што і адбылося. І пра такую адвагу падчас акцыі прагучаў верш гарадзенскага пісьменніка і праваабаронцы Віктара Сазонава «Я не баюся».
Быў зачытаны і зварот беларускай пісьменніцы і Нобелеўскай лаўрэаткі Святланы Алексіевіч да паважанага філосафа: «...жыць, жыць дзеля будучыні, якая прыйдзе крыху пазней, няхай без кожнага з нас. Нават нельга ўявіць сабе нашу барацьбу без вас, без вашага слова, без вашага голасу. Вяртайцеся да нас. Мы вас чакаем».
Падтрымка Уладзіміра Мацкевіча і іншых палітвязняў і іх сваякоў тут.
Напісаць ліст у турму тут.
127 views19:53