ГЬАР ЗАТНЫ ОЬЗ ЗАМАНЫ БАР Гьар затны оьз заманы бар, Гьар зат | КЪУМУКЪ СЁЗЛЮК

ГЬАР ЗАТНЫ ОЬЗ ЗАМАНЫ БАР

Гьар затны оьз заманы бар,
Гьар зат вакътиге гелише:
Майларда баъли бет бере,
Майлардан сонг жие бише.

Гюню гелип, пастан чыгъа,
"Пастан байлыкъ – шо бир айлыкъ»!
Пастан-харбузгъа бёкдюрюп,
Не аривдюр бизин яйлыкъ!

Яз емишден къалышамы
Гёзел гюзню юзюмю де.
Токълукъ булан тоюп геле
Элибизни гьар гюзю де.

Гьей, не гьайран бу табиат,
Гьар затгъа мезгил белгилеп…
Вакътисиз гьеч бир зат бишмей
Юрюсе де йылап-тилеп…

Мен адамны ойлашаман:
Бири бише гиччилейин.
Бирлери къыркъ яшында да
Бишмей къала,
Чип-чийлейин

Изамит Асеков
Жамият Къурум " Къумукъ тилде шиърулар "