#муносабатлар АЖРИМГА БИТТА ЯГОНА САБАБ БОР! Нег | Онг сирлари! Eva Психология маркази
#муносабатлар
АЖРИМГА БИТТА ЯГОНА САБАБ БОР!
Нега ажримлар бунчалик кўп? Ажримларнинг сабаби нимада? Нима қилсак, ажримлар сони камаяди? Ахир отасиз ўсаётган фарзандлар тарбияси эртага қандай натижаларга олиб келади?
Масалан, сизга ажримларга сабаб нима?" деб савол беришим мумкин. Кимдир ички овози билан келишмаслик, қайнона азоби, ишсизлик, меҳрсизлик, уйсизлик, пулсизлик ва ҳатто тунги ҳаётдаги муаммолар деб жавоб бериши тайин.
Йўқ, йўқ!
Пулсизлар ажрамасдан, пули етарлилар ажарашиб кетишаяпти-ю. Уйи борлар ажримга қадам қўйишади, аммо ижарада турадиганлар бахтли яшайдилар. Ким ҳам тортишмайди дейсиз? Калтакланганлар яна топишиб олишади, аммо битта қаттиқ гапни рўкач қиладиганлар кўпайиб кетишдими?
Қисқаси, ажримнинг битта сабаби бор: сиз кутган нарсани бўлмаслиги сабаб ажрим пайдо бўларкан. Қолган муаммолар ўша кутишлар оқибатлари ҳисобланади.
Амалга ошмаган орзуларингизни кўмувчи бу инсон билан чиқиша олмай қолишингизнинг сабаби ҳам ўша кутишларингиз эди. Ҳадеб, уни айблаб ёмон кўриб қолишингиз ҳам кутганларингиз амалга ошмаганидан эди. Орзу-умидни кўмгунча, орзуни бошқа жойдан қидиришни афзал кўрганингизда ажримни танлаган эдингиз.
Ишхонадан кетиб қолганингизга ҳам ўша кутишларингиз сабаб бўлган эди. Дўстингиз билан душманлашган кунингизни эсланг бир: ундан кутган вафони топа олмадингизми? Математик одам бу ҳолни қуйидаги формула билан ёзиб берган буларди:
КУТИШ - РЕАЛЛИК = КЎНГИЛ ҚОЛИШИ
КУТГАН УМРИНГИЗНИ ЭСЛАНГ
Ишдан чарчаб уйга қайтар экансиз, ширин хидли маззали овкат, фарзандларингизнинг кулиб кутиб олишини кутяпсиз дейлик. Уйга киришингиз билан "Ҳеч бўлмаса нон олиб келмайсизми, ёғ қолмаганидан овқат ҳам қила олмаяпман!" деган хотин жавраши сизнинг кўнглингизни синдирди. Айтиб қўйса бўларди-ю, ишдан чарчаб келишимни билади, тушлик қилмай кредитга пул ажратаётганимниям билади, деб сигарет тутатаётган одамни тушунишга ҳаракат қилинг.
Хотин эса: "Куни билан болларга қарасам, уйга ўралашиб, еган-ичганим қаерга кетганиниям билмайман! Шу орзу билан эр килувдимми!" деб йиғлаб ҳам олади. Қарабсизки, болалар оч ухлаб қолишди, тунда яна бири истималади. Сиз эса бақириб юбордингиз. Ҳаммасининг сабаби кутишлар, кутишлар ва амалга ошмаган орзули кутишлар!
НИМА ҚИЛИШ КЕРАК?
Математика формуласи билан тушунтирсам:
МАҚСАД - РЕАЛЛИК = МЕҲНАТ
Яъни уйга "Кечки овқат ейиш, фарзандлар оғушида бўлиш, бир оила жамул-жамлигида ҳаммаларига суянган тоғ вазифасини бажарасиз.
Қарабсизки, ишдаги меҳнат ўрнини уйдаги меҳнат эгаллади. Битта яхши тарафи бор - мақсад орқали яшаш ҳар сафар меҳнат қилишга куч беради. Зеро, бу меҳнатнинг номи сабр. Чиройли машинаси бор инсонни кўрсангиз ҳавас қилинг, чиройли либосли инсонгаям ҳавас қилинг. Уйи ажойиб қурилган оилагаям ҳавас қилинг!
Минган машинасига эмас, тарбияли фарзандига эмас, кийган кийимига ҳам эмас САБРИГА ҳавас қилинг!
Улашинг
https://t.me/Psixolog_Zuhra
