Калі навокал дзіч, Ціханоўскі стаў спіной да суду, Статкевіч гукае "Жыве Беларусь". Паўтара года ў турме, а яны ў выдатнай форме і паказваюць рэшце, што нічога не скончылася.
Лічбы 18, 16, 15 і 15 гадоў зняволення Сяргею Ціханоўскаму, Арцёму Сакаву, Дзмітрыю Папову, Уладзіміру Цыгановічу, Ігару Лосіку і Міколе Статкевічу ўжо не ў стане выклікаць эмоцый. Ад пачатку было зразумела, што прысуды будуць жахлівыя.
Як інакш хунта магла паставіцца да людзей, якія абудзілі народ і далі яму надзею, і якія не парушылі пры гэтым нават адміністрацыйны кодэкс. Хунта бесіцца, бо не можа прыняць, што яе час мінуў і што гэта простыя людзі паўсталі супраць яе, а не тэлеграм-каналы. Яны маглі б прысудзіць па 45 год ці нават па 100. Сядзець хлопцы будуць роўна столькі, колькі будзе гэтая хунта.
«Я буду сёння рабіць тое, што магу ў гэтай сітуацыі. Але не плакаць, не галасіць дакладна — нікому гэта не дапаможа». – добра сказала толькі што Святлана Ціханоўская.
