Яшчэ па адным адрасе сёння былі дастаўлены падарункі ад дэпутацкага корпуса раёна
Дружная каманда гімназістаў пад апладысменты з удзячнасцю прымала спартыўны інвентар ад намесніка старшыні райвыканкама Аляксандры Янчанкавай.
Віншуючы вучняў з канікуламі, Аляксандра Міхайлаўна выказала спадзяванне, што дэпутацкія падарункі зробяць адпачынак карысным!
- Незабыўных канікулаў, прыемных уражанняў і карыснага баўлення часу, - такімі былі пажаданні прадстаўніка ўлады.
Адміністрацыя школы выказала ўдзячнасць на адрас дэпутацкага корпуса раёна за ўвагу да ўстановы і падарункі. Мячы, як зазначыла Людміла Хільман, стануць інвентаром для правядзення вячэрніх спартыўных пляцовак.
