საქართველოში აქტივისტი გაათავისუფლეს, რომელიც ხელში ცარიელი ფურცლის გამო დააკავეს. ედუარდ მარიკაშვილი 2 ივნისს, საღამოს, რუსთაველის გამზირზე, პარლამენტის წინ გამართულ აქციაზე დააკავეს. იმ დღეს პოლიციამ შეკრებილ რამდენიმე ადამიანს წაართვა თითქმის ყველა ბანერი და პლაკატი, რის შემდეგაც მარიკაშვილი პიკეტზე დადგა A4 ფორმატის ცარიელი თეთრი ფურცლით, მაგრამ წარწერების არქონის მიუხედავად 48 საათით დააკავეს. მისი გათავისუფლების შემდეგ არასამთავრობო ორგანიზაციების წარმომადგენლებმა და უფლებადამცველებმა პოლიციის შენობის წინ სიმბოლური პიკეტი გამართეს და განაცხადეს, რომ დაკავებას ევროსასამართლოში გაასაჩივრებენ.
