Әлемдегі коронавирус. Жаңалықтар: АҚШ-та омикронның жаңа шт | Новости Коронавирус Казахстан

Әлемдегі коронавирус. Жаңалықтар:

АҚШ-та омикронның жаңа штамдарына қарсы вакцинация басталады

Өткен аптаның соңында американдық реттеушілер "омикронның" BA.4 және BA.5 жаңа штамдарына қарсы Pfizer/BioNTech және Moderna үдеткіш бір компонентті вакциналарын жаппай қолдануды мақұлдады.

Алдымен Федералдық дәрі-дәрмектер мен өнімдер нарығын бақылау басқармасы (FDA), содан кейін ауруларды бақылау және алдын-алу орталықтары (CDC) рұқсат берді.

Pfizer / Biontech вакцинасын 12 жастан, Moderna вакцинасын 18 жастан бастап қолдануға болады.
FDA және CDC мақұлдауы омикронның жаңа штамдарынан халықты жаппай вакцинациялау бүгіннен басталуы мүмкін дегенді білдіреді.

- COVID-19 жаңартылған вакциналары қазіргі уақытта коронавирустың айналымдағы нұсқаларынан жақсы қорғаныс үшін жасалған. Бұл үдеткіш вакциналар соңғы вакцинациядан кейін әлсіреуі мүмкін қорғанысты нығайтуға көмектеседі. Егер сізде қарсы көрсетілімдер болмаса және жасына сай болсаңыз, вакцина алуға ешқандай кедергі болмаса, сізді толықтай вакциналауға шақырамын", — деді CDC директоры.

Ресей мен Тәжікстан COVID-19 вакцинациясы туралы сертификаттарды өзара мойындады

Ресей Премьер-министрі Тәжікстанмен коронавирусқа қарсы вакцинация сертификаттарын өзара тану туралы келісім жасасуды бұйырды. Өкім құқықтық ақпараттың ресми порталында жарияланды.

Ресей Денсаулық сақтау министрлігінің Ресей СІМ-мен және басқа да мүдделі федералды атқарушы органдармен келісілген және Тәжікстан тарапымен алдын ала пысықталған Ресей Федерациясының Үкіметі мен Тәжікстан Республикасының Үкіметі арасындағы жаңа коронавирустық инфекцияға (COVID— 19) қарсы вакцинациялау туралы сертификаттарды өзара тану туралы келісім жасасу туралы ұсынысы қабылдансын", - делінген Үкіметтің өкімінде.

Ақпан айында Қазақстанмен осындай келісімге қол қойылды. 2021 жылдың соңында Еуропалық Одақпен вакцинация сертификаттарын өзара тану туралы келіссөздер болды, бірақ бұл келісімге қол жеткізу мүмкін болмады.

COVID-19 таралуына жол бермеу жөніндегі ВАК