Непэ Адыгеим икъэралыгъо быракъ имаф! Сыгу къыздеIэу республикэм щыпсэухэрэм мы мэфэкIымкIэ сышъуфэгушIо!
Щэбзищ зэблэдзыгъэхэмрэ дышъэшъо жъогъо пшIыкIутIумрэ зытет нып уцышъом тарихъ гъогу кIыхьэ къыкIугъ. Дунаим шыпсэурэ адыгэхэмкIэ лъэпкъ зыкIыныгъэм, тарихъ чIыгужъым, атэжъ лъахэм ятамыгъэу ар щыт.
Джащ фэдэу непэ мы быракъым республикэм щызэдэпсэурэ лъэпкъ зэфэшъхьафхэр зэрепхых ыкIи къэралыгъо ныпэу тишъолъыр щэбыбатэ. Лъэпкъыбэ зыщыпсэурэ чIынэлъэ гупсэм шIулъэгъоу фыряIэм, непэ мамырныгъэу, зыкIыныгъэу, зэгурыIоныгъэу илъым ихьатыркIэ, тапэкIи Адыгеери, зэрэ Урысыеуи зыгъэкIэрэкIэщт, гъэхъагъэ зыхэлъ пшъэрылъхэр лъэныкъо пстэухэмкIи дгъэцэкIэнхэу амал къытеты.
СичIыгогъу лъапIэхэр! Псауныгъэ пытэ шъуиIэу, шъуигъашIэ кIыхьэу, шъуинасып куоу, гухэкI шъуимыIэу, шъуизымафэ мэфишъэу, шъуимэфишъэ насып минэу, шъуилъагъо нэфынэу, шъуимафэхэр дахэхэу шъупсэунэу сышъуфэлъаIо!
