Сэтинньи 18 күнүгэр 'Чуораанчык' уһуйаан физкультурнай инструк | МКУ «Управление образования Чурапчинского улуса (района)»

Сэтинньи 18 күнүгэр "Чуораанчык" уһуйаан физкультурнай инструктора Нохтунская Вера Алексеевна үлэлээн кэлбит уопутун киэҥ эйгэҕэ таһаарар, “Традиции и инновации в физическом воспитании детей” авторскай семинара үрдүк таһымҥа ааста.
Семинар үөрүүлээх чааһын улахан бөлөх оҕолоро спортивнай үҥкүүнэн, ырыанан астылар. Эҕэрдэ тылы эттилэр: Чурапчы улууhун үөрэ5ин салалтатын уопсай үөрэхтээһин отделын сүрүннүүр специалиһа Эверстова С.Л, "Чуораанчык" уһуйаан сэбиэдиссэйэ Захарова А.А.
Вера Алексеевна «Хамсаныы диэн тугуй?” - диэн ыйытыктан саҕалаан, оҕону эт-хаан өттүнэн иитиигэ-үөрэтиигэ бэйэтин көрүүтүн, туттар технологияларын, үөрэтэр методикаларын, ньымаларын, сатабыларын толору арыйар ааптарскай семинара лоп курдук 3 чаас устата буолла. Кыра саастаах оҕолор физкультурнай дьайымалларын видеонан, ол кэннэ бэлэмнэнии бөлөх оҕолоругар анаммыт «Хоһуун уолаттар» аһаҕас дьарыгы көрдөрдө. Үлэтигэр туһанар чэбдигирдэр технологияларын: игровой стрейчины, оҕо эт-хаан өттүнэн сайдыытын уонна чэбдигириитин театрын, координационнай кирилиэс көмөтүнэн оҥорор хамсаныыларын сиһилии кэпсээтэ. Семинарга кэлбит уһуйаан физкультурнай инструктордара «Бэргэн булчут күрэҕэ» аралдьыйыыга кытыннылар.
Уһуйаан сүрүннүүр иитээччитэ Оконешникова О.Г. 17 төгүлүн ыытыллар «Дьулуур” спартакиада түмүктэрин “Кэнчээри» программа көрдөрүүлэрин кытары тэҥнээн анализ оҥордо. Түмүккэ, Эверстова С.Л. физкультурнай истрруктордарга ханнык докумуоннар ирдэнэллэрин билиһиннэрдэ.
Кэлбит ыалдьыттар семинартан астынан тарҕастылар, Вера Алексеевна талбыт идэтигэр сүрэхтиин-быардыын, өйдүүн-санаалыын ылсан туох баар өйүн-санаатын, баай уопутун, олоххо киэн көрүүтүн, кэнчээри ыччакка муҥура суох тапталын, истиҥ иэйиитин ууран туран үлэлиирин бэлиэтээтилэр.