МЕГИНО-КАНГАЛАССКИЙ УЛУС

2022-11-04 02:26:37 Ытыктабыллаах Мэҥэ Хаҥалас улууһун олохтоохторо, биир дойдулаахтарым!

Элбэх омук иллээхтик-эйэлээхтик, биир дьиэ кэргэн курдук айа-тута, үлэлии-хамсыы олорорун бигэргэтэр Сомоҕолоһуу күнүнэн итии-истиҥ эҕэрдэ!

Бу бүгүҥҥү Судаарыстыбаннай суолталаах бырааһынньык 2004 сыллаахха олохтоммута, Минин уонна Пожарскай поляк интервеннэрин утары норуоту өрө туруоран, түмэн кыайыыга аҕалбыттарын кэрэһэлиир бэлиэ күн. Аан дойду үрдүнэн бүрүүкээбит судургута суох бэлитиичэскэй, экэнэмиичэскэй быһыыга-майгыга биһиги бары хоруйбут - түмсүүлээх уонна биир санаалаах буоларга дьулуһуу. Ырааҕы өтө көрүү, киэҥ көҕүстэнии, эппиэтинэстээх буолуу, бэйэ-бэйэҕэ харыстабыллаахтык сыһыаннаһыы, көмөлөсүһүү - билиҥҥи кэмҥэ саамай наадалаах хаачыстыбалар. Анал байыаннай эпэрээссийэҕэ ыҥырыллан барбыт уолаттарбытыгар ким да туора туран хаалбакка, бары биир киһи курдук көмөлөстүбүт. Арассыыйа састаабыгар баҕа өттүнэн холбоспут, урусхалламмыт ДНР, ЛНР куораттарыгар эмиэ сүрэхпит баҕатынан көмө оҥордубут. Хас биирдии киһи бэйэтин сэмэй кылаатын уопсай Кыайыы, ситиһии туһугар киллэрэриттэн, патриоттуу санааны бэйэбит ортобутуттан иитийэхтээн таһаарарбытыттан бүгүҥҥү күммүт, уопсастыбабыт, ыччаппыт хайдах кэскиллээҕэ, ханнык суолу тутуһара улахан тутулуктанна. Биһиги хас биирдии хамсаныыбыт, этиибит кыайыыны чугаһатыа, эйэлээх халлааны олохтуо дии саныыбын.

Күндү дьонум, эһиэхэ барыта этэҥҥэ эрэ буоллун, ситиһиини, дьолу-соргуну, бигэ санааны хасбиирдиигитигэр!
Истиҥ эҕэрдэни кытта, Ил Түмэн дьокутаата Андрей Находкин.
#ЕР14 Открыть/Комментировать

2022-11-04 02:26:23 Открыть/Комментировать

2022-11-04 02:20:24 СОМОҔОЛОҺУУ КҮНҮНЭН!

Ытыктабыллаах улууспут олохтоохторо, биир дойдулаахтарбыт!

«Мэҥэ Хаҥалас улууһа» муниципальнай оройуон дьаһалтатын, дьокутааттарын Сэбиэтин уонна тус бэйэм ааппыттан Норуоттар сомоҕолоһууларын күнүнэн итиитик-истиҥник эҕэрдэлиибин!

Бу бэлиэ күн улахан суолталаах - дойдубут чэчирии сайдарын туһугар үрдүк эппиэтинэс уонна эр санаа холобурунан буолар. Биһигини барыбытын төрөөбүт дойдуга таптал, үтүө сиэр-майгы, бэйэ-бэйэҕэ ытыктабыллаах сыhыан сомоҕолуур, үчүгэйи, сырдыгы кэнэҕэски ыччакка хаалларар сыаллаах айымньылаах, таһаарыылаах үлэ ситимниир.

Төрүт түөлбэбит, өрөспүүбүлүкэбит, дойдубут инники сайдыыларын туһугар бары түмсэрбититтэн, биир сомоҕо буоларбытыттан, хас биирдиибит таһаарыылаах үлэтиттэн, бэриниилээх өйүттэн-санаатыттан дойдубут инникитэ кэскиллээх, бигэ туруктаах буолуута тутулуктаах. Уопсастыбабыт төһөнөн бөҕө да, оччонон дойдубут модун күүһэ кыаҕырар.

Хас биирдиигитигэр чэгиэн буолууну, үлэҕэ-үөрэххэ ситиһиилэри, истиҥ сыһыаны, дьолу-соргуну баҕарабын! Инникитин даҕаны төрөөбүт түөлбэбит, олорор-үлэлиир сирбит, дойдубут инники кэскилин туһугар үлэлиэҕиҥ-хамсыаҕыҥ, айыаҕыҥ-тутуоҕуҥ!

Улуус баһылыга Дмитрий Тихонов.

https://t.me/dmitriytikhon0v/183 Открыть/Комментировать

2022-11-03 12:46:45 ЫЧЧАТТАРБЫТ - ЭРЭЛЛЭРБИТ

Бүгүн улууспут көхтөөх, бастыҥ ыччатын, оскуолаларбыт оҕолорун кытта алтыһан, оҕо хамсааһынын инники үлэтин былаанныыр, дойдубут, улууспут сайдыытыгар санаа атастаһар бэрт сэргэх, истиҥ көрсүһүү буолла.

Дойдуга бэриниилээх буолуу, ийэ тылбытын харыстааһын, экология, идэни талыы курдук тиэмэлэргэ тохтоон аһаҕастык кэпсэттибит. Дойдуларыгар ис сүрэхтэриттэн кыһаллар, сайдыыга, үтүөҕэ тардыһар, нэһилиэгим, норуотум туһугар туһалааҕы оҥорбут киһи диэн санаалаах дьон үүнэн-иитиллэн тахсан эрэллэриттэн астынным.

"Мэҥэ кэскилэ" оҕо уопсастыбаннай түмсүү салайааччытынан аһаҕас быыбар түмүгүнэн таллыллыбыт Майатааҕы И.Г. Тимофеев аатынан лицей онус кылааһын үөрэнээччитин Соловьева Евдокияны эҕэрдэлиибин, ситиһиилээх үлэни баҕарабын.

Күндү оҕолорбут, үөрэххитин кытта уопсастыбаннай олоҕу тэҥҥэ дьүөрэлээн, үтүөҕэ көхтөөх, сонун толкуйдаах, ураты көрүүлээх оскуолаҕыт, улуускут, дойдугут сайдыыларыгар ис дууһаҕытын ууран үөрэниэххит, үлэлиэххит диэн эрэнэбин! Эһиги этиилэргитин истэргэ, кэпсэтиигэ мин куруук аһаҕаспын. Саҥаттан саҥа үрдэллэри, кирбиилэри! Открыть/Комментировать

2022-11-03 12:46:34 Открыть/Комментировать

2022-11-02 14:00:20 ЫЧЧАТЫ ҮЛЭНЭН ИИТИИГЭ - СҮРҮН БОЛҔОМТОНУ

Билиҥҥи кэмҥэ тус миэстэтин булунар, тыа сиригэр олорон үлэлиир-хамныыр сатабыллаах, оҕону үлэнэн иитиигэ сүрүн болҕомтону ууруу олохпут ирдэбилэ буолла.

Бу туһунан агро хайысхалаах оскуолалар дириэктэрдэрин, солбуйааччыларын кытта көрсөн, инники үлэни торумнастыбыт.

Биһиги улуус тыа хаһаайыстыбатын өрө тутан олорор улуус буоларбытынан бу эйгэҕэ олохтоох кадрдары, ыччаты сыһыарыы, үлэни көҕүлээһиҥҥэ ураты болҕомто ууруллуохтаах. Оҕолорбут идэлэрин баһылаан, улууспутугар тыа хаһаайыстыбатыгар үлэлии кэлэллэрин ситиһиэхтээхпит.

Оскуола оҥорон таһаарар бородууксуйатын, үүнээйитин киэҥ эйгэҕэ тарҕатарга, саҥа сүүрээннэри үөрэтэн-чинчийэн көрөн киллэрэргэ сорук турар.

Эһиилги дьылга агро хайысхалаах оскуолалар ортолоругар дириэктэрдэр, үөрэх управлениетын этиилэригэр олоҕуран, 1 мөлүйүөн солкуобай суумалаах баһылык грана олохтонуоҕа.

Үүнэргэ-сайдарга толору кыах да, баҕа да баар. Иннибитигэр сыал-сорук ылынан, тыабыт сирэ сайдарыгар, дьоммут-сэргэбит, ыччаппыт олохторо туруктаах буоларыгар ситимнээх үлэни торумнуур бэрт аһаҕас кэпсэтии таҕыста. Открыть/Комментировать

2022-11-02 14:00:13 Открыть/Комментировать