2023-05-21 22:12:15
Bugun bobom vafot etganlariga 11 yil bo'ldi.
11 yil oldin shu kuni joyiga qo'ygandik.
Umrini so'ngi kunlari tarvuz yegisi kelgandi. U paytda hozirgidek rivojlanmagandi poliz ekinlari yetishtirish. Toshkentgacha surishtirgan edik tarvuz topilmagan hecham.
Janoza namozi o'qilayotganda tarvuz topildi otaxon uchun so'ragandilar deb telefon qilishgan. Ichimiz sidirilib ketgan. Bo'ldi endi kerakmas, vafot etdi degandik.
Mana 11 yilki tarvuz pishsa ichim eziladi, tarvuz yesam tomog'imda turib qoladi.
Bobomni ushalmas orzusi tarvuz bo'lmagan. Dardi ko'ksini yondirgani uchun muzdek tarvuz yongan yuragini o'chirarmikin deb so'ragan.
Bobom hali tug'ilmasdan otasi urushga ketgan va qaytmagan.
Yolg'iz onasidan boshqa hechkimi bo'lmagan. Yetimlikda o'sgan. Shuning uchun farzandlari ko'p bo'lishini, farzandlari aka-uka, opa-singlisi o'rnida bo'lishini hoxlagan.
Yana may oyi keldi, qayta tarvuzlar pishyabdi, kun o'tyabdi.
Apam (dadamni onalarini shunaqa chaqirardik) ham ketganlaridan keyin uyimizni fayzi qolmadi. Uyga borib hecham hursand bo'lmayabman.
Bugun kechgacha siz haqizda o'yladim, ichimda bildirme yig'ladim, hayolan siz bilan gaplashdim bobo.
Ohiratingiz obod bo'lsin.
Jannatlarda Ota onam bilan birga sizga ham toj kiydirish nasib qilsin ilohim. Alloh huzuridagi diydorgacha...
51 viewsZarinabonu Madraximova Ma'murjonovna, 19:12