2022-12-08 08:50:08
С.П.Данилов аатынан Бэрдьигэстээх орто оскуолата, оскуола иһинэн үлэлиир «РОСТок» оҕо интеллектуальнай дьоҕурун сайыннарыыга коммерческайа суох тэрилтэ көҕүлээһининэн, ахсынньы 8 күнүгэр ураты бэлиэ бырайыак - "Марсианскай оонньуулар - 2022" спортивнай робототехникаҕа аһаҕас чемпионат ыытыллар.
Уопсайа 230 тахса оҕо уонна улахан дьон Жиганскайтан, Хаҥалас улууһун Мохсоҕолоох, Улаах Ан бөһүөлэктэриттэн, Уус –Алдан улууһун Дүпсүнүттэн, Кэбээйи улууһуттан, Дьокуускай куораттан 5 хамаанда, Горнай улууһун Бэрдьигэстээх, Октябрьскай, Маалтааны, Маҥаны оскуолаларыттан кыттыыны ылаллар.
Бырайыак 2022 с. РФ Президент граннарын фондатын кыайыылааҕа буолар.
Чемпионат чэрчитинэн ыытылла тураллар:
"Космос Мир" научнай- техническэй быыстапка;
Оскуола үөрэнээччилэрин "Наука-космоска-Технология" научнай конференциялара;
«Марсианскай оонньуулар-2022» роботехникаҕа күрэхтэһии.
Чемпионат бочуоттаах ыалдьыттарынан Татарстантан Иннополис университетын үлэһиттэрэ профессор, физико- математическэй доктора Малолетов Александр Васильевич, технологическай наука кандидата, старшай преподаватель Буличев Олег Викторович буолаллар.
Чемпионат кыттыылаахтарыгар интерактивнай лекцияны техническэй наука кандидата, Н.Э. Бауман аатынан МГТУ преподавателэ С.А.Воротников ааҕар.
Наука уонна технология сайдыытыгар анаммыт улахан тэрээһин салгыы ыытыллар.
Сиһилии хаартыскаҕа уонна видеоҕа көр.
464 views05:50