«Гатун конкурсдин» шартIар ва суалар ШартIар: Конкурс 5 суал | ЛЕЗГИ ЧlАЛ

«Гатун конкурсдин» шартIар ва суалар

ШартIар:
Конкурс 5 суалдикай ибарат я. Иштиракчийриз 5-июлдин нянин сятдин иридалди (19:00) жавабар гудай ихтияр ава. И муддат куьтягь хьайидалай кьулухъ нетижаяр кьада.
Жавабар баянра (комментарийра) кхьин герек я. Виридалайни фад дуьз жавабар ни гайитIа, гьабур фикирда кьада. Дегишар хъувур («изменено» гаф акъатда) баянар-жавабар гьисаба кьадач.
1, 2 ва 3 лагьай чкаяр кьурбуруз «ЛЕЗГИ ЧIАЛ» Telegram-каналдин патай электронный дипломар гуда. Ашкъи авай вирибурувай иштиракиз жеда.

Суалар:

. СССР-дин Верховный Советдин депутат хьайи лезги шаир вуж я? (Дуьз жавабдай – 5 балл).

. Писатель Агьед Агъаева вичин «Пад хьайи рагъ» эсердин игитрикай сад «хипен хам алай жанавур» яз къалурнава. Вуж я ам? (Дуьз жавабдай – 7 балл).

. Исятда чан аламай лезги писателрикай «Дагъустандин халкьдин писатель» лагьай тIвар ганвайбурун тIварар яхъ. (Гьар са дуьз жавабдай-тIварцIяй – 3 балл).

. Агъадихъ ганвай бендина обращение (ва я гегьенш обращение) авани? АватIа, обращение тир гаф/гафар къалура. (Дуьз ва тамам жавабдай – 5 балл).

Я варз, я зи рикIин дуст варз,
Къизилдин яд ганвай варз!
ЭкъечIда вун мичIи йифиз,
Чин элкъвейд яз, вилер экуьз.

. Лезги чIалан графикадик кириллицадин лишанрилай гъейри маса лишанар квани? КватIа, ам/абур къалура. (Дуьз жавабдай – 5 балл).