Кюн Боотуровна - уйулҕаһыт

2022-07-18 03:47:43 Открыть/Комментировать

2022-07-15 16:27:07 Бастакыбын суорумньуга сылдьан "ыал буолуом этэ" диир киһи бөҕө баарын көрдүм.

Ол көрдөхпүнэ үгүс киһи кыбыстыытын уйбат эбит. Бэйэ-бэйэлэриттэн ким утары хаамарын эрэйэ, кэтэсиһэ-манасыһа сылдьаллар. 40-нарын ааспыт дьон. Сөбүлүүр киһилэригэр утары хааман бэйэ чувствотын арыйан көнөтүнэн этии улахан буруй оҥоруу, сэмэлэнии курдук.

Ол эрэн бары көһүтэллэр ким эрэ кэлэн кинилэри дьоллуурун. Бэйэ хаҕын иһигэр сылдьыы, атын киһиэхэ интириэс суох. Атын киһи иһин ыйытыы, тугу баҕарарын, кими көрдүүрүн ыйытыы суох. Бэйэни эрэ презентация.

Аккаас ылыыттан куттаныы баар буолан. Тапталы, болҕомтону эрэйии. Тапталы, болҕомтону бэйэ утары уунарыттан толлуу, симиттии эбэтэр сатаабат буолуу.

Айылҕа аны иккиэ буолууну ирдиир. Иннэ гынан биир өттүнэн баҕарыы иккис өттүнэн симиттии. Ис эйгэ олуһун ыгыллар.

Бу ыгыллыыны намтатаары, бэйэ буруйданыытын, кыбыстыытын кыайан "синэ биир" диэн сатаан ааспакка олохтон, астыныыттан, дьолтон мэлийии.

Салҕыыта иһигэр Открыть/Комментировать

2022-07-14 11:28:32 Чурапчыга дьарыктарым, тус консультацияларым бүттүлэр.

Бу умнуллубат күннэртэн быһа тардан, кыттыбыт ийэлэр, эбээлэр тус санааларын истиҥ.

Дьоллоох ийэ, аҕа = дьоллоох оҕолор.

Билиилээх киһи куруук сайдыылаах, ситиһиилээх.

Киһи дьоло бэйэтин кутугар. Кут чэпчээн, ыраастанан сымныыр, уоскуйар, холкутуйар. Олох кэрэтигэр арыллар.

Өйүнэн эрэ олорор киһи куруук кыһалҕалаах. Этинэн-сиининэн эрэ олорор киһи сирдээҕинэн эрэ сылдьар. Кутун холбуур киһи бигэ туруктаах.

Бигэ туруктаах, ил олохтоох дьиэ кэргэн, сахам дьонун туһугар билиилэрбин тарҕатабын, тэҥҥэ үүнэбин. Олох айан, олох сайдыы.

#күнбоотуровна Открыть/Комментировать