2021-05-15 16:53:19
INVESTOR QANDAY KOMPANIYANI TANLASHI KERAK: SAMARALI YOKI ARZON?
Portfelni shakllantirish paytida investorlar ko'pincha bir sohadagi ikki turdagi kompaniyalar o'rtasida tanlov qilishadi:
aksiyalar narxi yuqori bo'lgan samarali kompaniya;
kam samarador, ammo arzonroq kompaniya.
Qaysi kompaniyaga investitsiya qilishga yaxshiroq?
Tahlil qilish uchun sizga ikkita multiplikator kerak: P/E va ROE.
P/E kompaniya bozor narxining yillik foydasiga nisbatini aks ettiradi. Ushbu multiplikator yordamida siz investitsiyangiz necha yilda oqlanishini bilib oloshingiz mumkin.
P/E qanchalik yuqori bo'lsa, shuncha yil pulning qaytarilishini kutishingiz kerak bo'ladi.
Tahlilchilar, P/E qiymatini kompaniyalarning choraklik sof foydasi asosida ham hisoblashadi va uning yillik qiymatini prognoz qiladilar.
Bu multiplikator sizga past baholangan biznesni topishda yordam beradi.
P/E ko'rsatkichi qanchalik yuqori bo'lsa, aksiya haddan tashqari qimmat, past bo’lda arzon baholanganligini anglatadi.
Kompaniyaning sof foydasi yoki bozor qiymati o’zgarsa, P/E qiymati ham mos ravishda o’zgaradi.
P/E hisoblash formulasi: kompaniyaning bozor narxi sof yillik foydaga bo'linadi.
Masalan, agar kompaniyaning bozordagi narxi 100 mln.so’m va sof foydasi 10 mln.so’m bo'lsa, unda investitsiyalar 10 yil ichida oqlanadi.
ROE ko’rsatgichi kompaniyaning sof foydasi uning o’zlik kapitaliga nisbatini aks ettiradi. Uning yordamida investor kompaniya dividendlar yoki rivojlanish uchun qancha pul yo’naltirishini tushunadi.
Masalan, ROE = 10% bo'lsa, unda har 1000 so’m kapital 100 so’m sof foyda keltirishini anglatadi. Ushbu pul dividendlarga yoki biznesni rivojlantirishga yo’naltirish mumkin. ROE qancha yuqori bo'lsa, shuncha yaxshi bo'ladi.
ROE hisoblash formulasi: sof foyda / kapital × 100%
Kapital= aktivlar - majburiyatlar
ROE sizga samarali biznesni topishga yordam beradi
Investitsiya uchun kompaniyani tanlash sizning qancha mablag' kiritishingizga bog'liq.
Agar siz uzoq muddatli investitsiya qilmoqchi bo'lsangiz, unda arzon aksiyalardan ko'ra samarali aksiyani sotib olish foydalidir.
Qimmat kompaniya ko'pincha o'z kapitalidan samaraliroq foydalanadi. Shining uchun 10 yil ichida har bir aksiyaga to’gri keladigan mol-mulk miqdori samarali bo’lmagan arzon kompaniyaga qaraganda ko'proq o'sishi mumkin.
Muhim!
Multiplikatorlar bo'yicha investitsiya istiqbollarini hisoblashda so'nggi bir necha yil ichida ideal sharoitlar yoki kompaniyalarning mavjud rivojlanish darajasi qo'llaniladi. Darhaqiqat, ushbu ko'rsatkichlarga foyda va aksiyalar narxlarining keskin o'zgarishi ham ta'sir qilishi mumkin. Aniqroq tahlil qilish uchun siz doimiy ravishda moliyaviy yangiliklar va kompaniyalar kotirovkalarini, shuningdek umumiy iqtisodiy vaziyatni kuzatib borishingiz kerak.
Bundan tashqari, ushbu multiplikatorlarning ba'zi kamchiliklari ham mavjud:
• ROE har doim ham kompaniya biznesining haqiqiy holatini aks ettiravermaydi. Agar kompaniya yaxshi ishlamayotgan bo'lsa, u o'z mablag'larini xarajatlarni qoplash uchun ishlatishi mumkin. Kapital miqdori kamayadi, demak ROE o'sadi.
• P/E ko'p jixatlarni e'tiborga olmaydi. Kompaniya faoliyat yuritadigan sektordan tortib korporativ boshqaruvga qadar.
Ushbu korsatgichlarni tahlil qilishda siz hamma omillarni birgalikda ko'rib chiqishingiz kerak.
O'z resurslarimizda biz tahlilchimizning sharhlari va tavsiyalari bilan doimo ulashib boramiz.
Muhim investitsiya ma'lumotlari uchun Kap Depo-ni kuzatib boring.
401 views13:53
K
