ЖИГАРЛАРИМ Жонинг учун жигарларинг куяр экан Суйса фақат ана шулар суяр экан. Ўзгаларчи юрак бағринг ўяр экан Бахтимга соғ-омон бўлинг жигарларим. Отам-онам ташлаб кетган ёдгоримсиз, Йўғ-у борим юрагимга мадорим сиз Менинг учун уюлмаган қабоғингиз Бахтимга соғ-омон бўлинг жигарларим. Оғзидаги еб турганин менга тутган Мени деса, ҳатто, ташвишин унутган Сўзида бол ширин шакар шарбат тутган Бахтимга соғ-омон бўлинг жигарларим. Сизлар билан яйраб кетар бу жонларим Қанотимсиз учишга бор имконларим. Меҳнаткаш- у камтар , сабрга конларим Бахтимга соғ-омон бўлинг жигарларим. Улар боис яшнаб турар кўнгил боғим Гар йиқилсам суянгувчи улкан тоғим. Дуоларим ижобат эт эй , Аллоҳим Бахтимга соғ-омон бўлсин жигарларим Соҳибахон Шарипова. Обуна бўлишни унутманг! Яқинларга улашинг @DIYDOR_SHIRIN 4.9K views13:18