БУ КУНЛАР ҲАМ ЎТИБ КЕТАДИ Дард ўтида ёниб, куясиз, Қалбингизда оғриқ туясиз, Ўзингизни алдаб қўясиз, "Бу кунлар ҳам ўтиб кетар", деб. Тонг уйғониб, тутиб ғамга юз, Тун ухлайсиз, умидвор бу кўз, Шивирлайсиз, маҳзун ва маъюс, "Бу кунлар ҳам ўтиб кетар", деб. Йўл равону, товонларда тош, Йўқчиликдан эгибгина бош, Пичирлайсиз, кўзингизда ёш, "Бу кунлар ҳам ўтиб кетар", деб. Фарзандингиз борар улғайиб, Жим қоласиз, унсиз, мунғайиб, Секингина дейсиз, жилмайиб: "Бу кунлар ҳам ўтиб кетар", деб. Азоб берар юрак жумбуши, Қийнайверар УМИД сўнмиши, Зўр бахона: - Ойнинг ўн беши... "Бу кунлар ҳам ўтиб кетар", деб. Майли жонга жабр қилинг дўст, Орингизни қадр билинг дўст, Яна озроқ сабр қилинг дўст, Бу кунлар ҳам ўтиб кетади!!! Ўлмасбек Самарқандий. Яқинларга улашинг @DIYDOR_SHIRIN 4.5K views11:42
