АЛЛОҲ САБР БЕРСИН. Вайрона остидан топилган аёл. Сув эмас, | jigarlar_qalbimdasan_mehrli
АЛЛОҲ САБР БЕРСИН.
Вайрона остидан топилган аёл.
Сув эмас, бошига рўмол сўради.
Қойилман муслима қардошга, Демак:
Имонни ўлимдан устун кўради.
Суратларни кўриб эзилар юрак.
Отасин қўлидан тутган қизалоқ.
Укасин ҳимоя қилган опажон.
Ўттиз соат ётган митти чақалоқ.
Фарзандин устини гавдаси тўсиб.
Жон берди қанчалар она, оталар.
Тасбеҳ тутган қўли қонга беланиб.
Жойнамоз устида ўтди додалар.
Қирқ йил қирғин бўлса ажали етган.
Паймонаси тўлган ўларкан фақат.
Катта оиладан, беш эгизакдан.
Тирик қолди битта жажжи Муҳаммад.
Минглаб одамларнинг жон берар жойи.
Бўлди зимистон ва совуқ вайрона.
Жойинг жаннатларда бўлсин илоҳим.
Туғиб, боласини узатган она.
Аллоҳим, сабр бер, матонат бергин.
Оғир кундан ўтсин барча турк қардош.
Тоқатидан ортиқ синов юборма.
Аллоҳим! Уларга бер сабр, бардош!
Мана бизга ибрат, мана намуна.
Аллоҳнинг қудрати ҳар недан устун!
Арзимаган кам- кўст ёки йўқчилик.
Сабабли шикоят қиляпмиз бугун!
Бир кун газимиз паст, чироқ ўйнайди.
Бир кун гўшт тушмайди қозонимизга.
Ойлик олингунча тугаб қолар пул.
Беадад шукр тинч ўтган ҳар онимизга.
Тўйда жанг қилади куёвжўралар.
Ўзин минг оҳангга солар қиз, аёл.
Охиратда қандай берасиз жавоб?
Шу ҳақида бир оз сурингчи хаёл!
Кимдир егуликни тепиб, хор қилар.
Кимдир масжидда ҳам ўғирлайди пул.
Эрини менсимас, дўзахи аёл.
Тўқликка шўхликми бу, ақлим лол буткул.
Аллоҳ кўрсатмасин, Замин тебранса.
СубханАллоҳни хам айтолмас улар.
Калима нелигин билишармикин?
Аллоҳни унутган ножинс кимсалар.
Ҳой инсон! Кўзингни каттароқ очгин!
Ибрат бўлсин сенга атрофи олам.
Одам бўлиб келдинг, мусулмон бўлиб.
Одамлигингча қол, эй азиз Одам!
Мастура ҳожи она
Яқинларга улашинг
@DIYDOR_SHIRIN
