Къонахий, аз кхы дика дийца ца хила мег оаш шоай даьца леладу эздел, со йи1иг ма йий, айса зувра яздаьд аз,, юкъе х1ама дитадале д1аязде оаш а
Ви1ий даьцара эздел геттара хоза да. Мишта да из?! Кхийна д1аэтта з1амсаг ший даьца хьакхашта вувлац, тоам боаца бегаш а буц, цун хьалхашка ший а буц ца боаг1а бегаш. Д`а хьачуваьлча хьалг1отта, цхьан ц1аг1а шоай баг1аш хилча наггахьа во1 д1аара а воал, даьна юхе 1оха тоам боацаш, даьна юхе вижа х1аьта а алац во1! Телефона чу ваг1ац даьна хьалхашка, даа х1ама дуача ханахьа ший оаркъо т1ара б1арг баккхац, ший маьженашта доал ду, истола т1а маьженаш хьееш ца ваг1аш. Ара хилча, наха юкъе, во1 даьна цхьа г1а т1ехьашка латт, уллув а ваьнна, никъ бича хана а иштта уллув ваьнна вода.
Даьна хьалхашка ший оаз айъюц, бирса хилац, ший дег1а доалдеш хул. Сога хаьттача из эздел шоай даьца леладеш шортта кегий нах ба! Дала даькъала болба вай эздел долла кегий нах, Дала шоай дай сий лакха лоаттаде аьттув лолба царна. Эздел доаца во1 ма кхулва цхьаккха даь!
________________
