2022-05-06 02:03:54
Մեր Հայկյան հավատամքի օրենքները փոփոխակա՞ն են թե՞ անփոփոխ
Ֆեյսբուքում կան բազմաթիվ անձինք, ինչ իրենց երևակայելով գիտակ մարդ հայկական ազգային հավատամքի մասին, խեղաթյուրող գրառումներ են կատարում, իրենց անձը ինքնահաստատելու քաղցը բավարարելու ձգտումներով:
Օրինակ վերջերս տեսա դրանցից մեկի գրառումները, առ այն, որ մեր հավատամքի օրենքները իբր «աստվածների» տվածն է (նմաններն անգամ չգիտեն, որ մեր զորությունները Դիցեր են կոչվում) և անփոփոխ են 15,000 տարի առաջվանից մինչ այսօր և ըստ նրա, եթե փոփոխություններ կատարվեն, արդեն կնմանվեն բիբլիականին:
Օրինակ այս անձը հայտնում էր, որ պահքը հայկական չէ, որովհետև 15000 տարի առաջ դժվարին պայմաններում, ձմռանը մարդը կենդանականով է սնվել: Ոնց որ այս մարդկանց ուղեղները 15000 տարի սառած վիճակում է:
Սա կոպիտ զառանցանք է և վտանգավոր, որովհետև նման կեղծարարները, հայկական հավատամքը, հենց իրենց ասված բիբլիայի օրինակով, դոգմատիկ կրոնի են վերածում:
Նման շառլաթանները չգիտեն, որ հենց դոգմատիկ կրոնի չվերածվելու նպատակով, մեր իմաստունները ժամանակին հրաժարվել են ինչ որ սուրբ գիրք հորինել և կեղծիքով բոլորին համոզել, որ դա «վերևից» է տրվել և անփոփոխ պիտի մնան:
Ինչքան էլ ծիծաղելի լինի նման շառլաթանների ներկայացրած հիմունքները, բայց մենք պարտավոր ենք ասել հայկականը, որ ազգը լսի ու կրկին չխաբվի նմանների կողմից:
Մենք երբեք, ոչ մի սուրբ գիրք էլ չենք ունեցել, լինի դա ուղտագիրք կամ այլ անվանումներով: Մեր ազգային հավատամքի օրենքների հիմքը միշտ եղել է և մնում է Հայոց Արքայի և առ հասարակ Արքայական ինստիտուտի մենաշնորհը, որոնք քանի դարը մեկ գումարել են Աշխարհաժողովներ և նոր օրենսգիրք են տրամադրվել ազգին:
Դրա վառ օրինակը Արամ Աշխարհակալի դեպքն է, երբ Արքան վերջ դրեց մեռելի մարմնի հետ աղ և ձի թաղելու կարգերը Հայոց Աշխարհում: Այն ժամանակ եթե մեր այսօրվա շառլաթանները լինեին, Արքային կբողոքեին թե փոփոխում է անփոփոխ օրենքը և կսկսեին նրան և իր իմաստուն Քրմերի դասին «խելք» սովորեցնել...
Այս հիմքը դրվել է հենց դրա համար, որ ժամանակի Արքան, կամ Արքայի բացակայության դեպքում, Հավատար Քուրմը, օրվա համեմատ մշակի այնպիսի օրենքներ, որոնք ազգին դեպի առաջ կտանեն, ոչ թե 15000 տարի հետ կպահեն:
Այնպես որ, ժամանակի ընթացքում մեր հավատամքը միշտ բարելավվել է և օրվա կարիքներին ու պահանջներին պատասխան տալու երաշխիք են ունեցել իրենց մեջ:
Այնպես, որ թույլ մի տվեք նմանօրինակ շառլաթան կեղծարարները թյուր և հետամնած սերմեր սերմանեն ձեր մտքերում, որը վերջում կասեն դե ազգայինը դա հետամնացն է:
Հայոց ազգային հավատամքը իր անփոփոխ արժեքների հիմքերի վրա խարսխված, հազարամյակներ բարեկարգվել և աճել է, Հայկազուններին դարձնելով դեպի զարգացում և բարձր նպատակներ ձգտող Հայկյան հավատամքի կրողներ:
Քուրմ Յարութ Առաքելեան
29 views23:03