Үгэ тухай 1) Адхаһан таряа суглуулжа болохо, Алдаһан үгэ бу | Усть-Ордын унэн сониной hонинууд✍

Үгэ тухай

1) Адхаһан таряа суглуулжа болохо,
Алдаһан үгэ бусаажа болохогүй!

2) Агта алдабал - баригдаха,
Ама алдабал - баригдахагүй.

3) Оньһон үгэ оностой,
Олоной үгэ тодосотой.

4) Аманай алдууриһаа
Ашатын бэлиг хазайха.

5) Шаазгай шубуун согсогонодог,
Шашадаг хүн шарбаганадаг.

6) Һанаан хурдан - хаанашье хүрэдэг,
Хэлэн хурса - юушье хэлэдэг.

7) Хэлэһэн үгөөрнь сэсыень мэдэхэш,
Хэһэн һүхөөрнь дархыень мэдэхэш.

8) Шангаар дуу гаранхаар,
Шадамараар хэлэһэн дээрэ.

9) Хуушан үгэдэ худал үгы,
Хурын уһанда хужар үгы.

10) Ханилсажа ябаһан нүхэртөө
Хатуу үгэ хэлэхэгүй,
Таараад ябаһан мориндоо.
Ташуур минаа барихагүй.

11) Үгэ хэлэхэдээ сэхыень,
Үльгэр хэлэхэдээ удхыень.