Сагаан һарын үреэлнүүдэй абдарһаа Саяан | Усть-Ордын унэн сониной hонинууд✍

Сагаан һарын үреэлнүүдэй абдарһаа


Саяан уулын араар
Сагаан үүлэ тараан,
Саһаар бурган байһан,
Салгяа талам һайхан.
Эгээл мүнөө, үглөө,
Эмээл морёо унаад,
Золтой арюун сагаар
Золгооб уужам талаа.
Малаан халзан дайдаар,
Малаа үсхэн һуугаа,
Сарюун буряад зондом,
Сагаан һарын мэндэ-э-э!


Һаруул бодолтой,
Һайхан һанаатай,
Сэсэн үгэтэй,
Сэбэр сэдьхэлтэй,
Дуутай, зугаатай,
Дүүрэн жаргалтай,
Элбэг баян,
Элүүр мэндэ,
Энхэ амгалан,
Ажаһуухатнай болтогой!


Гараад ерэһэн Шэнэ жэлдэ,
Газар дайдамнай үрэжэлтэй байг лэ!
Хүдөө һайхан нютагтамнай,
Хүнэй байдал һайжараг лэ!
Табан хушуун малнай тарган байг лэ!
Тараг, айраг, зөөхэй билтаржал байг лэ!