Буряад арадай оньһон үгэнүүд. Байгаали. 1. Баялигай ехэ - г | Усть-Ордын унэн сониной hонинууд✍

Буряад арадай оньһон үгэнүүд.
Байгаали.

1. Баялигай ехэ - газарта,
Баатарай ехэ - арадта.

2. Дахын нооһо тоолошогүй,
Далайн оёор хэмжэшэгүй.

3. Дэлхэйе наран тэгшээр шарахагүй,
Зониие ноён тэгшээр харахагүй.

4. Мориной ангама халуун,
Модоной хухарма хүйтэн.

5. Одо мүшэдые түүжэ болохогүй,
Огторгойн һолонгые барижа болохогүй.

6. Уһа мүрэнэй урадхалые хаажа болохо,
Улад зоной амые хаажа болохогуй.

7. Уһан голые
Уламаарнь гаталха,
Уула дабаае
Набтараарнь гаталха.

8. Хариха тэнгэри
Хаяагаараа сэлмэхэ,
Орохо тэнгэри
Оройгоороо сэлмэхэ.

9. Шонын хүлдэмөөр хүйтэн,
Шоргоолзоной мухаримаар уйтан.

10. Дуута тэнгэри бороогүй,
Суута хүүхэн хуримгүй.

11. Ган халууншье болоо һаань,
Гал хэрэгтэй.
Газарай харашье болоо һаань,
Харгы хэрэгтэй.