Қазақстан Үкіметі Наурыз мейрамын атап өту тұжырымдамасын бекі | ELORDA.AQPARAT
Қазақстан Үкіметі Наурыз мейрамын атап өту тұжырымдамасын бекіту туралы қаулы жобасының мәтінін Ашық үкімет порталына жариялады.
Порталда Наурыз мерекесін мемлекеттік деңгейде 10 күн қатарынан атап өту ұсынылған.
Атап айтсақ:
14 наурыз – «Көрісу күні»; 15 наурыз – «Жайлау күні»; 16 наурыз – «Шежіре күні»; 17 наурыз – «Тарихқа тағзым күні»; 18 наурыз – «Игі істер күні»; 19 наурыз – «Шымырлық пен шеберлік күні»; 20 наурыз – «Зияткерлік күні»; 21 наурыз – «Ұлттық тағамдар күні»; 22 наурыз – «Ұлыстың ұлы күні»; 23 наурыз – «Жоралғы күні».
Ұсынысы бар азаматтар egov.kz арқылы Ашық үкімет порталына жаза алады. Көпшілік келіскен жағдайда Үкімет Наурызды 10 күн қатарынан атап өту туралы қаулыны қабылдайтын болады.