2022-08-19 19:20:24
Топ-5 кавярань у Мінску. Падборка ад СД
У апошнія дні ў Мінску трымаюцца стабільныя +28, а ад спякоты так і хочацца ўцякчы на мора ці пад кандыцыянер. Сабралі свой топ класных месцаў у Мінску, дзе можна як схавацца ад спякоты, так і ад дажджу, а яшчэ класна правесці час у размове з сябрамі пад кубачак кавы ці халодны смузі з чызкейкам.
«Tiden» (Instagram)
Апісанне:
— знаходзіцца ў Асмалоўцы (там прыгожа!)
— zero waste кавярня і крама з экатаварамі
— pet-friendly
— можна прыносіць на перапрацоўку блістэры ад таблетак і карткі
— зніжкі 15% на каву ў свой кубак
— laptop free прастора па суботах і нядзелях (не забывайцеся адпачываць!)
Утульнае месца ў бадай што самым атмасферным раёне Мінску Асмалоўцы. Кавярня адметная тым, што прадае экатавары. Напрыклад, цвёрдыя шампуні з натуральных матэрыялаў, шматразовыя бутэлькі і тары для фруктаў і агародніны і г.д. У кавярні можна знайсці шырокі асартымент дэсертаў, розныя віды кавы, а таксама травяную гарбату.
«MARKS» (Instagram)
Апісанне:
— кавярня-кнігарня
— кнігі на тэмы ад фатаграфіі да фемінізму
— творы сучаснай мастацкай літаратуры
— кінапаказы
— канцэрты
— шырокі выбар кавы
Адно з самых унікальных месцаў у Мінску, бо менавіта тут спалучаюцца кнігарня і кавярня. У «MARKS» можна знайсці шмат розных кніг на любыя тэмы. Тут жа час ад часу ладзяцца кінапрагляды сусветназначных шэдэўраў кіно і невялічкія канцэрты. Завітвайце ў кавярню і натхняйцеся культурным антуражам адной з самых эстэтычных вуліц Мінска — Карла Маркса.
«VARKA COFFEE» (Instagram)
Апісанне:
— прыемны дызайн
— сістэма накапленняў
— смачная недарагая кава
— унікальныя стравы ў кожнай кавярні сеткі
Цікавая сетка кавярань у Мінску, якая аб’ядноўвае 15 розных месцаў па ўсім горадзе. Наведвальнікі цэняць гэтую сетку як месца, дзе прыемна бавіць час як з ноўтбукам, так і з сябрамі. Асаблівасцю «VARKA» з’яўляецца мабільны дадатак, у якім пасля рэгістрацыі можна накапліваць балы і выкарыстоўваць пры наведванні іншых кавярань. Кожнае месца мае ўнікальнае меню са стравамі, з якім можна азнаёміцца ў іх інстаграме.
«KAVA I KVETKI» (Instagram)
Апісанне:
— крама кветак і кава ў адным месцы
— эстэтычны дызайн
— смачныя круасаны
— асаблівыя сняданкі і дэсерты
Яшчэ адна невялічкая сетка незвычайных мінскіх кавярань, зробленых з намёкам на старую эстэтыку. Тут можа не толькі выпіць кавы з круасанам, але і купіць букет, які вам зробяць фларысты ў лепшых традыцыях сучаснага дызайну. У «KAVA I KVETKI» таксама можна выпіць віно, замовіць смачныя дэсерты і сняданкі.
«MON NOM» (Instagram)
Апісанне:
— тут таксама прыгожа
— самы лепшы ў горадзе лавандавы раф
— прыемныя кошты на сняданкі
Крыху аддаленае ад цэнтра месца, але адназначна каштуе таго, каб ты прыехаў_ла на станцыю метро «Трактарны завод». Размешчаная ў доме з русалкамі бар-кавярня прапануе шэраг цікавых страў на сняданак і лепшы ў горадзе лавандавы раф (па меркаванню рэдакцыі). Тут можна не толькі захапляцца неверагодным інтэр’ерам і атмасферай, але і смачна паесці.
363 views16:20